Mashi No Mashi

Open Now

Now Closed

反應兩極嘅拉麵閒日夜晚入去都要排5-10分鐘先可以去部機買飛，好似日本咁，買咗飛先可以排隊入座，舖頭唔大，買完企係一邊等好似chur 人快啲食完咁，又會阻住人岀入，但都好過企岀街無冷氣咁等。大概等左10分鐘左右，就輪到我哋入座了，叫咗一人一碗拉麵 + 和牛餃子，咁就400 蚊了。上菜嘅時候師傅會大喝一句再遞到你你手上，成件事好西式，而家都愈嚟愈興咁樣，有啲餐廳嘅綽頭就係咁，不過香港人比較內斂，唔係個個都能夠接受呢一個方法，好似我嗰日去我都有少少俾佢嚇親，佢見到我個樣都有啲驚所以有特登細聲啲。食物質素嘅話就真係幾兩極，好似我覺得個餃子同個拉麵都幾好食，朋友就覺得好一般，可能係我本身鍾意比較硬身嘅麵，同埋呢一隻味道嘅湯，我又覺得唔錯，如果無咁貴會想再食多幾次，但佢又啱嘅，有好多拉麵舖都做得好食，但收費無咁貴，尤其佢覺得個和牛餃子要係好普通但好貴，我認同個餃子係煎得麻麻，個look, 但個餡料我有幾鍾意食喎，但係真係有啲貴，事實係用食物質素去比嘅話，係overpriced 嘅。真心畀咁貴去食第二次嘅，應該都係想食碧咸食過嘅拉麵係點，同埋感受一下師傅嗰種熱情。