新奇香冰室

Open Now

Now Closed

星期六，最幸福就係可以瞓到自然醒，10點鐘同阿媽落樓下食早餐。餐廳係位於勝利道嘅一間冰室，開業多年，係最近改左名叫「新」奇香冰室。餐廳係舊式冰室，面積細細有啲狹迫，大約可以坐到3-40人。雖然已經10點但都仲要等位，差不多十分鐘先有得坐，好彩都坐到卡位，舒服啲。早餐有兩個餐擇，我地叫左早餐A - 牛油多士、三絲通粉同飲品。牛油多士可以唔駛加錢轉奶油或奶醬多。正。三絲通粉係火腿絲、蛋絲同雞絲，啲料都幾足。湯底味道適中，唔會過鹹。奶茶係傳統冰室奶茶～早餐係至到12點，我地食到10點半出面仲有人等位。附近有唔少茶餐廳，不過都唔夠冰室受歡迎，呢度味道唔算出眾，相信嚟呢度食都係喜歡嗰種舊日情懷。