Video
Read full review
2022-10-09
293 views
今次嚟到呢一間位於深水埗，主打香港本土口味既雪糕專門店🍦除左雪糕之外，佢地近月都有售雪糕沙冰，當日咁啱天氣炎熱，就梗係要食返杯啦😋🍧點止冰冰(原價$48，另+$20升級冰雪二重迆，+$8加配特色雪條)呢個沙冰係可以口味任意配搭㗎💖所以無論係雪糕定係沙冰底，都可以根據自己既喜好自由配搭，當日我就自選左呢個組合「迆啲襟撈🥭(楊枝甘露雪糕)+哈密瓜沙冰🍈+檸檬雪條🍋」楊枝甘露雪糕第一啖食落去竟然係椰奶味最出，但慢慢就會開始食到少少芒果味，雪糕好軟滑而且唔太甜，不過溶得比較快所以一買到就要快啲食啦🥄哈密瓜沙冰打得好綿密，唔會出現一大舊冰或者部份冰冇味既情況，味道好清甜，非常消暑👍🏻至於檸檬雪條，鐘意食酸嘢既朋友仔真係必試！唔好睇佢細細條，好似幾個檸檬既酸味濃縮曬係入面咁，一食落去檸檬味同酸味大爆發，好好食😍不過本身沙冰既menu上係冇跟雪條呢個選項既，所以想加配既話就記住要問店員啦除左雪糕同埋沙冰外，入面仲有新鮮哈密瓜果肉球、椰果同脆脆添。食完之後真係成個人即刻降溫左，我自己就好滿意呢個自選組合，整體味道好清爽，係炎炎夏日食真係最適合👻🍎金盞蘋果冷泡茶(原價$18，冰冰加嘆+$12)如果點左點
🍧點止冰冰(原價$48，另+$20升級冰雪二重迆，+$8加配特色雪條)
點止冰冰
16 views
0 likes
0 comments
呢個沙冰係可以口味任意配搭㗎💖所以無論係雪糕定係沙冰底，都可以根據自己既喜好自由配搭，當日我就自選左呢個組合「迆啲襟撈🥭(楊枝甘露雪糕)+哈密瓜沙冰🍈+檸檬雪條🍋」
楊枝甘露雪糕第一啖食落去竟然係椰奶味最出，但慢慢就會開始食到少少芒果味，雪糕好軟滑而且唔太甜，不過溶得比較快所以一買到就要快啲食啦🥄
哈密瓜沙冰打得好綿密，唔會出現一大舊冰或者部份冰冇味既情況，味道好清甜，非常消暑👍🏻
至於檸檬雪條，鐘意食酸嘢既朋友仔真係必試！唔好睇佢細細條，好似幾個檸檬既酸味濃縮曬係入面咁，一食落去檸檬味同酸味大爆發，好好食😍不過本身沙冰既menu上係冇跟雪條呢個選項既，所以想加配既話就記住要問店員啦
除左雪糕同埋沙冰外，入面仲有新鮮哈密瓜果肉球、椰果同脆脆添。食完之後真係成個人即刻降溫左，我自己就好滿意呢個自選組合，整體味道好清爽，係炎炎夏日食真係最適合👻
🍎金盞蘋果冷泡茶(原價$18，冰冰加嘆+$12)
金盞蘋果冷泡茶
15 views
0 likes
0 comments
如果點左點止冰冰，就可以$12加配佢地既冷泡茶，總共有6款，當日就揀左金盞蘋果茶。一扭開蓋就見到有一朵金盞花係入面，飲落蘋果味都幾出而且好清香，$12又好飲又咁大枝真係性價比超高👍🏻
絕對會再去試下佢地其他雪糕產品😉
Post
