「迆」雪糕專門店

Open Now

Now Closed

炎炎夏日氣温上升到34C，烈日當空下走在街上，極度需要歇一歇，抖抖氣。路過店鋪門口，見到有賣雪糕及茶飲，即刻行入去。左望右望後，有幾款凍茶可選擇，最後我揀咗一款有菊花的青萍果凍茶，$18頗大的一樽。試飲了一口，覺得味道很清新而且不甜，十分消暑解渴，正合我意。之後有少少肚餓，再追加小食燒買魚疍，$15毎款三粒，擺盤頗具心思。坐低悠閑地歎下冷氣，都算慢活人生🤭櫃枱嘅美少女待客有禮，加分！有機會再去試試他們的雪糕。

🐣 復活節假期嘅香港周圍都冇乜人，去咗轉太子近深水埗交界行下，見到間本地雪糕暨小食店，就行咗入去試試～ 🍱 「就係文青」飛碟系列 — 秘製醬汁魚蛋、燒賣、粟米 & 水果 😋😋😋😋All day sets有兩款 🤗 小編揀咗「就係文青」～ 秘製醬汁魚蛋好彈牙；燒賣好有魚肉味，而且有咬口；粟米🌽同香蕉🍌不過不失～🌮 「就係文青」飛碟系列 — 厚切午餐肉及粟米芝士酥餅 😋😋😋😋👏🏻 飛碟可免費改為酥餅，即叫即整大約10分鐘～ 酥餅少少厚身，咬開明顯見到午餐肉粒同粟米粒，有微微芝士奶香～ 整體酥餅少少鹹、少少酥～ 😊🍧 「就係文青」飛碟系列 — 提拉米蘇初雪😋😋😋😋依款似雪葩，有冰感，係純素嚟嘅～ Tiramisu嘅rum味好出，屬於清爽嘅甜味 😉午餐 💵💵 約港幣$70/人💁🏻‍♀️ 店舖位置近太子多少少 🧐 設有好幾張堂食枱，空間感十足～ 依日去到發現佢哋都會畀粉絲擺放應援，亦都會同社福機構合作搞下活動～ 幾唔錯喎！😎🙆🏻‍♀️ 最後，喜歡嘅話，歡迎follow @foodirectory.hk ！

嚟到呢間惹味嘅雪糕店，迎面就係一陣宇治抹茶嘅香氣撲鼻🍵！店入面氣氛輕鬆，我叫咗杯「迆遊宇治配特色椰子雪條」。椰香、抹茶香，彷彿拍檔跳舞嘅味道，同時帶出彼此嘅精髓，雪糕嘅質感順滑到不得了。就算唔係椰子控，都難以抗拒！再來嗰杯「襟撈配特色紅豆雪條」，一啖落去，楊枝甘露嘅芒果酸甜正中蜜桃，椰子雪糕嘅香滑恰到好處。紅豆嘅甘香又點綴其中，令味道層次更加鮮明。匙尾嘅Cream brûlée 就正喇！薄薄嘅焦糖脆片喺唇邊「啪嘭」一聲，之後冧入無比滑潤嘅焦糖燉蛋，件件水果直接閃亮入場，新鮮得嚟，經典法式滋味齊晒！行過深水埗，記得唔好錯過，唔單止係解暑，係一場味蕾嘅旅行！😋🥥🌈

一直對呢間雪糕店好感興趣，因為都係以本土口味為主。好似有檸茶、話梅、檸七軟雪糕等等。而今次嚟到就有楊枝甘露同豆腐，雖然唔算係好驚喜嘅口味，不過都想試吓。楊枝甘露軟雪糕（$38）入口係酸酸甜甜嘅芒果味，然後就係好香濃嘅椰奶味，應該呢款就係純素雪糕。🤔雖然佢有少少酸酸哋嘅芒果肉同薄荷葉解膩，但整體仍然偏甜，食完個口唇好笠黐黐。😲質感方面未算好滑，但亦未至於食到冰粒，尚可接受。🫣店舖用咗個「迆」字做店名，加上用咗好多香港特式元素，例如萬壽無疆印花做甜筒紙、雕花鐵閘裝飾同本地插畫家繪畫的深水埗地圖，充滿本土情懷。 店家仲時不時會借場地俾人搞應援，有興趣不妨支持下。😂味道：🐽🐽🐽價錢：🐽🐽🐽環境：🐽🐽🐽

迆雪糕專門店豆腐紅豆冰雪糕（$38）甜筒可以選兩個口味，分別選左豆腐同紅豆冰味。上面係豆腐味雪糕，食落豆腐味都幾香濃，豆腐濃度10分裏面有7分。如果同百福同維記既豆腐雪糕比，迆既依款豆味會更加濃。🥰下面係紅豆冰味，食落開頭係奶味為主，後調先食到紅豆味。雖然感覺紅豆味唔太濃，但整體味道都似飲緊紅豆冰咁，因為真係食到平日冲紅豆冰用既黑白淡奶味道😆雪糕筒好脆。整體雪糕口感好滑，豆腐雪糕係純素雪糕食落都唔會有冰感，真係似平日軟雪糕咁滑。紅豆冰味含奶，所以食落口感會更滑更厚。雪糕既甜度適中，唔會過甜，食多d都唔會膩。😁😁個人黎講，我超級鍾意佢個豆腐雪糕，大家有機會去都可以試一下😋

星期日冇咩嘢做，我同朋友打算由太子行去深水埗，散步吹水🤭。點知行行吓，見到好文藝feel 嘅南楓樓，仲有個好搶眼嘅🍦。咁啱天氣好熱，行到有啲攰，我哋就決定入去叫支雪糕坐低休息。入到去先發現，「哇，嗰menu 咁特別嘅😅」，唔係講笑，又薑味又鹹檸七，一開始都幾驚中伏🥲，但好彩雪糕都係好食嘅👍🏻，值得一推😆。-💛雪糕（任意兩款口味）$38 【豆腐+薑味】軟雪糕有四款口味，$38可以任選兩款，價錢上不過不失。雪糕食落質地幼滑，入口即溶，個人覺得算係幾出色🤩。至於口味，薑味保留到薑嘅獨特香氣，冇咗嗆辣，鍾意食薑嘅朋友覺得好好食（我自己本來就唔鍾意薑，不過都覺得接受到🤭）。而我個人就大推豆腐味，濃郁到真係每一口都好似食緊豆腐😍。佢哋仲喺雪糕上面灑咗一啲餅碎，豐富口感💛。另外，我覺得一定要稱讚佢哋嘅純素雪糕筒，完全唔軟爛，超脆超好味😍。而且佢哋唧雪糕仲有分四層，輪住食兩款口味，店員用心，值得加分💛。-回頭推介度：4/5 食物質素：4/5餐廳環境：4/5

Local Hong Kong ice cream非常港式道地雪糕店自選雪糕可以揀本地薑味，黑芝麻味，豆腐味或鹹檸七味之前有試過鹹檸七味，真係好似鹹檸七嘅味道 😂今次試返普通嘅黑芝麻味加豆腐味😄都係好好味☺️ 會繼續支持充滿本土特色嘅店舖 ❤️

🐭 米奇老豬Vol. 286 🐷［迆雪糕專門店 ］呢間藏身喺太子嘅雪糕店成日都出好多特別味早排有出過鹹檸七、話梅味不過老豬錯過左🥺今次終於的起心肝去試啦！.🐖🐖《雪糕》🐖🐖 💰$38 （+$8 配雪條）💰➡️ 抹茶雪糕第一下入口抹茶味都幾出 唔算重奶味不過無回甘 🫢➡️ 豆腐雪糕甜度較高 冰感較重 快溶➡️ 海鹽焦糖雪條焦糖雪條勁似牛奶糖 🍬雖然冰感最重 但唔快溶➡️ 純素雪糕筒呢個窩夫筒好厚身 好脆 👂🏻又唔會過甜 好食過香港絕大部分雪糕店嘅cone 🤭有歐洲甜筒嘅味道 好正！.❣️🐭總評分🐷❣️味道：8/10服務：N/A環境：N/ACP值：✴️ 中 ✴️ ENCORE：✅ （想試其他味🫣 但要encore個cone！）.自費️⭕/試食.📍 「迆」雪糕專門店 📍深水埗界限街10F號南楓樓地下5號舖

⁺₊˚ | ʜᴇᴀ ɪᴄᴇ ᴄʀᴇᴀᴍ |𓊱𓎦𓌈「迆」（粵：he3，又讀hea）意思：漫無目的地打發時間，通常是指消遣或聊天有次和朋友飯後在深水埗區散步時偶爾發現了這間陌生的雪糕店碰巧我地又想找個地方傾計hea下它正出現得合時🤞🏽進來後看到餐牌他們主打多款手作雪糕和花茶非常新奇的組合😆✨雪糕有軟身和硬身選擇而且食物包裝和擺設非常有香港特色！➰ 抹茶mix紅豆冰雪糕雪糕質地較為冰感吃得到紅豆味 個人較喜歡～➰ 楊枝甘露mix椰子雪糕兩種口味都是源自經典港式甜品雪糕相對另一款奶味較重mix在一起味道像是pina colada但亦留有水果香味➰ 白桃烏龍花茶聞到白桃香味 茶味香濃配上雪糕解膩一流特別欣賞他們的懷舊茶杯設計！

呢間雪糕店嘅店面店內同賣嘅雪糕都好有本土特色❤️‍🔥一去到真係會有選擇困難症想叫曬所有味黎試下🤣但好彩仲有理智叫左兩款店員推介嘅口味菠蘿冰味好神奇！真係食緊菠蘿冰咁🍍清新得黎又有陣罐頭菠蘿先有嘅糖水味但又唔會覺得食得好辛苦超級正鹹檸七味呢杯又係好神奇可以完全將鹹檸七嘅味放入雪糕度咁面頭有啲檸檬皮🤣其實我覺得唔加會好啲但加左令個檸檬味重左好多係一定會encore嘅雪糕店❤️

今次嚟到呢一間位於深水埗，主打香港本土口味既雪糕專門店🍦除左雪糕之外，佢地近月都有售雪糕沙冰，當日咁啱天氣炎熱，就梗係要食返杯啦😋🍧點止冰冰(原價$48，另+$20升級冰雪二重迆，+$8加配特色雪條)呢個沙冰係可以口味任意配搭㗎💖所以無論係雪糕定係沙冰底，都可以根據自己既喜好自由配搭，當日我就自選左呢個組合「迆啲襟撈🥭(楊枝甘露雪糕)+哈密瓜沙冰🍈+檸檬雪條🍋」楊枝甘露雪糕第一啖食落去竟然係椰奶味最出，但慢慢就會開始食到少少芒果味，雪糕好軟滑而且唔太甜，不過溶得比較快所以一買到就要快啲食啦🥄哈密瓜沙冰打得好綿密，唔會出現一大舊冰或者部份冰冇味既情況，味道好清甜，非常消暑👍🏻至於檸檬雪條，鐘意食酸嘢既朋友仔真係必試！唔好睇佢細細條，好似幾個檸檬既酸味濃縮曬係入面咁，一食落去檸檬味同酸味大爆發，好好食😍不過本身沙冰既menu上係冇跟雪條呢個選項既，所以想加配既話就記住要問店員啦除左雪糕同埋沙冰外，入面仲有新鮮哈密瓜果肉球、椰果同脆脆添。食完之後真係成個人即刻降溫左，我自己就好滿意呢個自選組合，整體味道好清爽，係炎炎夏日食真係最適合👻🍎金盞蘋果冷泡茶(原價$18，冰冰加嘆+$12)如果點左點

什麼比雪糕配茶更有趣？就是8月看聖誕category🤣在星期五晚上邊食雪糕 邊飲白桃烏龍茶，問你試過未？(´▽｀)「迆」的讀音就是Hea，店名選用了本土用語，而且雪糕同包裝都滿滿香港特色，就是希望客人可以懷住懶洋洋的心情到此休息一會(´-ω-`)這裡2021年年尾才正式開業，經過深水埗的話來試試吧！不過來到「迆」雪糕專門店，對比其味道款式，反而更欣賞他的包裝設計，色彩繽紛而且充滿舊式香港的味道o(≧v≦)o🌟楊枝甘露+椰林飄香零售價：$38味道組合十分refreshing，猶如在飲一杯piña colada，奶味偏重，而不失水果果香🌟抹茶+紅豆冰零售價：$38未影相雪糕已開始溶了，而且紅豆粒份量不多，對比其他口味稍為失色味道：6.5/10環境：8/10性價比：7/10回頭度：7/10

呢間雪糕店位於打卡熱點南楓樓，外表如同一間cafe🥳店鋪主打幾款有香港特色的雪糕口味，味道一試難忘🌟除咗軟雪糕之外仲有售賣蛋糕🍰同樽裝飲品！最近留意到ig公佈有新口味🤩令人期待～❤️ <妹子好迆> $38味道非常之逼真🤣話梅雪糕可以見到上面係仲有啲話梅乾，食落去好似真係含住一粒真嘅話梅係口入面咁🌟🤤鹹酸鹹酸，十分特別！🖤 <日迆夜迆> $38名字玩味十足🤣呢款豆腐芝麻雪糕就係兩溝嘅，芝麻味道香濃，不過就芝麻味道比較勁，有少少冚過咗豆腐味，但喺咁樣反而令到呢款無咁甜🥰芝麻控表示滿意🤤

【summer pick❤️‍🔥 手工多種本土口味fushion 素食雪糕🍦】小編夏天最愛零食一定係雪糕🍦好鐘意試唔同口味嘅雪糕店，都介紹過唔少店舖今次係深水埗都有一間特色雪糕店，定期有新口味/轉menu！🤩🤩 仲要係vegan，vegan朋友仔又多一間選擇，雖然係素食但質感同味道方面影響唔大，唔講唔知佢係vegan 😌😌___ ___ ___ ___ ___ ___ ___June✨襟撈 Healada $38楊枝甘露+椰林飄香 配菠蘿乾✨紅豆🫘冰條 +$8 ✨花茶 $38 （set$68) 雙拼口味一次試2種味道👍🏻👍🏻 味道偏清爽唔太甜🧊🧊楊枝甘露味偏酸，重柚子味，似芒果汁嘅味道；椰子味重，較易蓋過楊枝甘露味；個cone好脆🤤🤤紅豆冰條好食😋有粒粒紅豆🫘花茶壺好靚，傳統花紋配上鮮艷顏色👍🏻❤️‍🔥

Well the name got me. However the ice cream is not hea at all.I love the combination of Chinese herbal tea with odd flavour ice cream.We ordered dry plum and lemon tea mixed soft serve and it’s so refreshing. The plum is like a burst of sweetness and mix with tangyness of lemon, the combination was spot on. Once you finish the ice cream you can wash down the sourness with the herbal tea. The Chinese tea taste like the tea you have in restaurant, nothing complicated.If you go pass this place and