老闆娘雲南米線

Open Now

Now Closed

今日星期五，啱啱好5:30之前去到， 5分鐘已經入去啦。不過坐低就等咗45分鐘，還好吧，已經做咗心理準備。叫咗碗麻酸辣粉配牛腩。order 之後已經後悔，自己其實唔係咁鍾意酸辣粉配麻辣。 但係呢度繁忙，真係唔係幾好意思改單，唯有啃咗佢。好有麻辣味，但有些苦澀。明白為何有些人會話苦。見到好多人都叫佢嘅炸物，不過我就唔係咁鍾意食炸嘢。 呢度嘅配料唔算少，不過有好多都係炸嘢同埋佢啲特別嘢。就少咗啲平時應有嘅嘢例如腐皮，有啲可惜。碗嘢好多湯，我叫咗牛腩都起碼有六七大嚿反而啲麵同芽菜係少d，好夠酸。整體其實覺得唔錯，但又唔會特別想再嚟（even 唔需要排隊都唔會特別想食）。可能叫錯嘢吧。不過特別讚就係佢有無糖豆漿，啱晒而家鍾意健康嘅人。