Video
Read full review
2024-11-29
156 views
好想去日本旅行，特別掛住日本嘅串燒同居酒屋。今日同朋友嚟到尖沙咀厚福街呢間食日式燒鳥嘅串燒店。呢度嘅吧台可以睇住師傅即席烹調串燒，好有日式風味。呢度嘅雞串燒用嘅雞係來自日本嘅自家農場，冇激素，達到刺身級別，夠晒日本原汁原味。我哋兩個人叫咗一個套餐再加咗幾款嘢食share食。Omakase 10串串燒套餐$480呢個套餐入邊包咗前菜， 10吋串燒，一個丼或者烏冬或者飯團，仲有雪糕。前菜有牛舌同埋薯仔沙律，兩款都有驚喜。10吋串燒入邊有雞翼串，雞頸肉串，雞髀肉串，雞腎串，免治雞肉串和牛野菜串，鰻魚串，紫蘇葉豚肉串，蘆筍串及秋葵串。超級豐富。雞翼燒得超香脆。雞髀肉嫩滑，鰻魚串燒久油脂甘香。紫蘇葉豚肉串夠Juicy。主食方面，我哋揀咗迷你滑蛋雞肉飯。滑蛋洋蔥加上雞肉，清清地，夠晒飽肚。另外我哋單點咗幾款食物。和牛沙朗串 $70和牛肉眼真係超好味，完全冇燒得過火，入口溶化嘅感覺，完全冇渣，油香豐富。炸豆腐串 $35 豆腐外脆內嫩，食到好香嘅豆香，加少少醬油配上香蔥同木魚絲，更加惹味。金菇豚肉卷$38/串薄薄的豚肉包住金菇，非常Juicy，調味適中。白菜雞肉丸鍋$100食咗好多串燒，想有啲濕濕地嘅
呢度嘅雞串燒用嘅雞係來自日本嘅自家農場，冇激素，達到刺身級別，夠晒日本原汁原味。我哋兩個人叫咗一個套餐再加咗幾款嘢食share食。Omakase 10串串燒套餐$480
呢個套餐入邊包咗前菜， 10吋串燒，一個丼或者烏冬或者飯團，仲有雪糕。
前菜有牛舌同埋薯仔沙律，兩款都有驚喜。
10吋串燒入邊有雞翼串，雞頸肉串，雞髀肉串，雞腎串，免治雞肉串和牛野菜串，鰻魚串，紫蘇葉豚肉串，蘆筍串及秋葵串。超級豐富。雞翼燒得超香脆。雞髀肉嫩滑，鰻魚串燒久油脂甘香。紫蘇葉豚肉串夠Juicy。
主食方面，我哋揀咗迷你滑蛋雞肉飯。滑蛋洋蔥加上雞肉，清清地，夠晒飽肚。
另外我哋單點咗幾款食物。
和牛沙朗串 $70
和牛肉眼真係超好味，完全冇燒得過火，入口溶化嘅感覺，完全冇渣，油香豐富。
炸豆腐串 $35
豆腐外脆內嫩，食到好香嘅豆香，加少少醬油配上香蔥同木魚絲，更加惹味。
金菇豚肉卷$38/串
薄薄的豚肉包住金菇，非常Juicy，調味適中。
白菜雞肉丸鍋$100
食咗好多串燒，想有啲濕濕地嘅嘢食。呢間串燒店亦都提供一啲居酒屋入邊見到嘅食物，呢個鍋係新出嘅Menu。鍋內有好多蔬菜，雞肉丸同免治雞肉串係同一款，但係就用湯煮，同樣好味，丸子入邊有雞軟骨，口感豐富。
雪糕
套餐裏包括了甜品，今日嘅雪糕有五款口味選擇，我哋揀咗開心果味，雪糕非常香滑，牛奶味足，加上開心果好香，超好吃。
Post
