黃明記粥粉麵家 (Moved) New Location

去九龍城唔食泰國菜仲有咩選擇？如果喜歡食墨魚丸嘅話就一定要識得去黃明記。呢間食店已經係九龍城好多年，每日都有好多人入面去食。第一次嚟一定要試下佢哋嘅墨丸墨鬚麵，今次我就選擇配河粉。首先佢哋嘅湯底係用咗芫茜同芹菜調味，好清之餘又唔會蓋過墨丸同墨鬚本身嘅味道。呢度嘅墨魚丸好特別，佢哋墨魚丸唔同出面買嗰種，係「真。墨魚」，好重墨魚味，食落去唔單止係好彈牙而且中間仲有馬蹄，又彈牙又爽令到整體口感都提升。至於呢度墨鬚唔似平時食嗰種咁韌，反而係好爽脆，會令你食到停唔到。