古今二 (The ONE)

Open Now

Now Closed

餐廳：古今二地點：尖沙咀The ONE菜式：日式居酒屋餐牌：主打特色創意卷物，主餐牌有前菜沙律，刺身，壽司，多款特色卷物，燒物，串燒，鍋物，天婦羅，小食炸物，飯麵類同飲品。呢度都有二人前套餐。蟹柳沙律 $78 另加一蟹柳沙律係新鮮沙律雜菜底加上車厘茄，面頭係唔少蟹柳絲同蟹籽。蟹柳絲加左足夠沙律醬，好夠味，辣辣地，同沙律菜同食就剛好。海老天婦羅卷 $62 另加一海老天婦羅卷一客8件，飯卷包住紫菜同天婦羅蝦加忌廉芝士，再加上特製醬汁。天婦羅蝦好脆，加上忌廉芝士滑溜黏口，味道口感都好正。彩虹卷 $119 另加一彩虹卷一客8件，係飯卷包住紫菜，中間有蟹柳，牛油果同青瓜絲，面頭加上牛油果同刺身片，刺身包括三文魚，吞拿魚同白身魚，賣相五顏六色。味道清爽。雞胸軟骨串燒 $38 另加一我第一次食雞胸軟骨，原來比雞軟骨仲脆，脆中帶有肉食，口感好正。調味用上黑椒同鹽，好夠味。鹿兒島豚肉露筍 $45 另加一鹿兒島豚肉露筍一串三件，係燒得脆口豚肉片包住露筍，鹹香中帶清爽，豚肉同露筍味道好夾。串燒伴有椰菜絲沙律可解膩。總括而言，今餐特別鍾意海老天婦羅卷同串燒。