古今

Open Now

Now Closed

餐廳：古今地點：銅鑼灣澳門逸園中心菜式：日式居酒屋餐牌：主打特色創意卷物，好多都改左個特別嘅名。主餐牌有前菜沙律，刺身，壽司，多款特色卷物，燒物，串燒，鍋物，天婦羅，小食炸物，飯麵類，清酒同飲品。落單用QR code。今日叫左金龍卷同富士山。兩款卷物一齊上枱，用一隻圓碟放得靚靚。仲加左食用花裝飾，伴碟有沙律菜，日式芥末同酸薑片。金龍卷 $105 另加一呢個金龍卷真係必食，每次食都無失望。金龍卷一客八件，今次分開兩條細龍。飯卷上面舖上新鮮肥美嘅三文魚，加少少香辣沙律醬。飯卷中間卷住紫菜，再包住炸蝦同忌廉芝士，食落又脆口又滑溜，連炸蝦尾都食得。飯加上黑白芝麻粒增添香味。我好鍾意呢款卷物既多重口感同味道。富士山 $98 另加一第一次食呢款富士山，係一客8件壽司飯卷包住紫菜，牛油果同鰻魚，面頭係滿滿加左大量醬汁既蟹柳絲，少少蟹籽同脆片碎，再加上特製醬汁。飯卷一樣加入黑白芝麻粒。呢個卷物食落係滑溜牛油果同彈牙鰻魚，再加上惹味蟹柳絲，口感味道複雜過癮。埼玉網燒牛舌 $78 另加一琦玉網燒牛舌一客4大件，熱辣辣上枱，有返相當厚度。咬落去完全唔韌，口感彈牙，味道夠鹹，伴有椰菜絲沙律可解膩同減鹹度。另外