大滾友火鍋 (紅棉大廈)

Open Now

Now Closed

近排天氣涼涼地，一班朋友打邊爐最開心，朋友推介大滾友火鍋，係元朗好出名，荃灣都有分店。一入去已經見到天花板高掛着紅色燈籠🏮，配合埋灰色磚頭帶出古典中國風。玲瓏浮凸.花膠湯雞鍋（半隻）湯底揀咗養生湯底，每日用6小時新鮮烹調，原材料用左質量上乘既三黃雞，雞味非常濃郁，另外仲有超大塊花膠，可以補充骨膠原。南非鮮鮑魚 2隻鮑魚用冰鎮住，打完卡仲保持新鮮，肉質非常厚有咬口，鮮味濃。龍蝦餃(4粒) 將龍蝦肉混入豚肉做餡料，外皮用上燒賣黃皮，龍蝦肉食落去非常爽口，豚肉亦好新鮮。頂級雪花牛肉 賣相特別，牛肉底放左乾冰，飄逸嘅霧氣襯托住新鮮嘅牛肉，牛肉雪花紋路均勻，牛味濃。伊比利亞橡果豬 油脂與肉分佈完美，肉質細緻，軟嫩多汁，非常美味，媲美和牛級數。大滾友雜菜拼盤 $98每種蔬菜都有少許，其中最鍾意嘅係紫淮山，味道微甜，口感黏稠，益處多多，可以對抗炎、保護心血管和穩定血糖等。自家製足料竹蔗茅根用上古代圖案嘅瓶裝住，飲落去非常滋潤，每次打邊爐都會叫。