古味坊 (Closed)

平時食開嘅蛋糕都好甜好多cream，食一舊就好飽，而古早味蛋糕就唔同，食材純天然，而且唔會好膩，比一般蛋糕健康，食多多都唔怕肥！伯爵茶蛋糕，食之前已經聞到一陣陣嘅伯爵茶香味，食落好鬆軟，有好濃嘅伯爵茶味，幾好食，唔錯！雙層芝士蛋糕，蛋糕面鋪滿椰絲，撳落去會見到蛋糕有回彈力，一切開就見到蛋糕中間有兩層芝士，第一口感受到椰絲同椰子嘅香，之後就係充滿彈性嘅蛋糕，最後就係冧冧地嘅芝士，蛋糕有蛋香味，芝士就鹹鹹地，都幾夾，正！同埋佢嘅蛋糕係每日即制，食唔晒就要擺落雪櫃，不過味道就一定冇咁好，想食嘅就唔好買咁多，食完一個先買第二個。