刈Bao台式創意小食 (Closed)

今日又去葵涌廣場掃街呀shopping，行到去3樓見到刈Bao台式創意小食，就喺葵涌廣場3樓top世界一轉入去第一間就係啦，其實都幾多人排隊架，但係我超級想食佢個刈包，我叫咗古早味腩肉刈包，嗰舊腩肉甘香可口，就肥肉一啲都唔樓，入口即溶配埋個包就啱啱好啦，另外我仲叫咗綜合5號餐，有鹽酥雞同埋香芋地瓜球，鹽酥雞係即炸嘅，香脆可口，香芋地瓜球呢一咬落去就先食到地瓜嘅味，再慢慢滲出香芋嘅味道，真係食過返尋味，另外我哋仲叫咗老闆仲介紹咗我哋食黑松露味一兜薯花，黑松露味好濃，再配外脆內軟的薯花，真係好夾好啱味，另外因為我哋食嘅嘢都好熱氣，就叫咗一杯山楂烏梅茶同埋古早味冬瓜茶來清下啲熱氣，兩杯都唔太甜味道剛剛好，同佢嘅嘢食都好夾，下次再嚟葵涌廣場我都要再嚟食