古味坊 (Closed)

同班朋友仔食完晚餐，行行吓經過見到呢間古早味蛋糕，都多人買喎，睇嚟今晚個宵夜有着落。不過我哋黎得遲咗，本來想試吓流心鹹蛋芝士蛋糕，但就賣晒。買咗另外三款試吓好唔好味先。原味蛋糕，一打開個盒，面頭有張保鮮紙遮住，保持乾淨新鮮，蛋糕食落軟綿綿，而且夠綿密，鬆軟得來唔會有空氣感。黑糖蛋糕，淡淡黑糖香味，唔會太甜。抹茶配原味蛋糕，有茶香得來又有蛋香味，一啖可以試到兩個味道，唔錯。放落雪櫃可以保存三日，可以慢慢食。