阿里山 (逸酒店) (Closed)

呢一排唔知點解特別興台灣古早味蛋糕，開到成行成市，淨係紅磡區都可能超過10間。古早味即係懷舊嘅味道，講到懷舊咁呀梗係要食原味蛋糕才看到水準高低。呢間舖頭有個櫥窗可以睇到師傅點樣整蛋糕，反而收銀櫃檯放喺入面，佢地都有好多唔同味道嘅選擇，不過今次都要返原味，因為係想買來做早餐，早餐都唔想食咁濃口味嘅蛋糕。基本上都保持到古早味蛋糕嘅鬆軟口感，而佢哋原味蛋糕嘅顏色比其他更深黃，我估係代表用嘅雞蛋顏色咁深色，味道唔會好甜，淡淡然嘅蛋香更加吸引人。呢個份量足夠我哋一家三口做早餐，每人約25元，算係富貴家常早餐。