古味坊 (Closed)

有人喺元朗行千色廣場聞到浸好香嘅蛋糕味，原來喺後巷開咗間古早味蛋糕店。望到啲蛋糕啱啱出爐真係好吸引，揀咗一個黑糖味蛋糕，拎上手好重，證明好足料。另外仲買咗一個提子啫喱過下口癮。蛋糕本身真係好大個呀，岩岩好裝滿個紙盒，一打開就聞到好香嘅蛋味。蛋糕雖然已經cool down左，但切落仲係好軟熟。食落濕潤唔乾，唔算好甜，黑糖味可以再重啲就更正。個啫喱都有驚喜，應該係加左大菜，有小小爽口既口感，甜度岩岩好。