紫荊閣 (Closed)

叫化鷄原名叫乞兒鷄，名字由來有段古，但叫化鷄($480)因烹調比較複雜，在香港酒家比較難食得到，但今次經朋友推荐，在紅磡蕪胡街逸酒店中菜廳首次品嘗。由於烹調需時，所以要24小時前預訂。終於首次見到叫化鷄的真身，整隻鷄被紅泥密封，要用工具扑開紅泥，紅泥之下仲有一層錫紙包裹着整隻雞，侍應要用刀义把錫纸慢慢打開，香氣四溢的叫化雞就呈現眼前。雲耳，金針和冬茹放於雞胸內一起烤焗，除了紅泥外，製造過程有點像八宝鴨。烤製叫化雞需時四，五個小時，金針雲耳和冬菇的味道全浸入雞肉內，所以叫化鷄的肉質鮮漱兼且鷄肉味道濃郁，不到十分鐘，整隻叫化雞已被消化得無影無踪。其實食完這兩款古法炮製菜式，再吃多一碟清炒菜心（$78），最後食埋甜品紅豆沙，肚皮漲卜卜的，即時覺得飯氣攻心，呢個時候最後返屋企冲個熱水涼，然後揾周公去。