Video
Read full review
2024-01-24
47 views
天寒地凍... 最啱打邊爐!♨️呢間位於北角地鐵站附近嘅【滾得囍宮廷火鍋】地理位置就真係夠曬方便!呢度嘅格局充滿古色古香嘅宮廷風... 好似去咗古代咁!🤭 座位非常寬敞... 私隱度都唔錯!同行嘅友人唔係好食得辣... 所以湯底叫咗滋補嘅花膠雞(半隻)... 湯、花膠、雞分開上... 碟花膠嚟到真係畀佢嚇親... 又大又厚... 仲有2塊㖭... 一般火鍋店真係唔會畀到咁優質嘅囉! 溫馨提示: 放入去湯底之前可以請店員幫手剪細塊d! 至於嗰半隻雞可以分次放入去淥熟... 肉質好掂... 好嫩滑!食火鍋必點嘅牛肉... 我哋揀咗【手切本地牛頸脊(細)】... 油花靚... 口感鮮嫩有彈性... 而且份量都唔少! 推介!除咗牛肉... 我哋仲order咗幾樣拼盤... 因為樣樣都想食... 真係有啲選擇困難!🙈 叫拼盤就最好喇... 可以試多幾樣!🤭【滾得囍宮廷餃子拼盤】有幾款餃子... 分別用咗牛肉、豬肉、蔬菜類、菇菌類做餡... 款款都咁好味!😋【黃金雙拼】即係炸響鈴同埋炸魚皮... 仲係加咗鹹蛋黃落去咋... 食落特別鹹香惹味!【滾得囍豐盛雜菜拼盤】有好多款菜... 包括蕃茄
呢間位於北角地鐵站附近嘅【滾得囍宮廷火鍋】地理位置就真係夠曬方便!
呢度嘅格局充滿古色古香嘅宮廷風... 好似去咗古代咁!🤭 座位非常寬敞... 私隱度都唔錯!
同行嘅友人唔係好食得辣... 所以湯底叫咗滋補嘅花膠雞(半隻)... 湯、花膠、雞分開上... 碟花膠嚟到真係畀佢嚇親... 又大又厚... 仲有2塊㖭... 一般火鍋店真係唔會畀到咁優質嘅囉! 溫馨提示: 放入去湯底之前可以請店員幫手剪細塊d! 至於嗰半隻雞可以分次放入去淥熟... 肉質好掂... 好嫩滑!
食火鍋必點嘅牛肉... 我哋揀咗【手切本地牛頸脊(細)】... 油花靚... 口感鮮嫩有彈性... 而且份量都唔少! 推介!
除咗牛肉... 我哋仲order咗幾樣拼盤... 因為樣樣都想食... 真係有啲選擇困難!🙈 叫拼盤就最好喇... 可以試多幾樣!🤭
【滾得囍宮廷餃子拼盤】有幾款餃子... 分別用咗牛肉、豬肉、蔬菜類、菇菌類做餡... 款款都咁好味!😋
【黃金雙拼】即係炸響鈴同埋炸魚皮... 仲係加咗鹹蛋黃落去咋... 食落特別鹹香惹味!
【滾得囍豐盛雜菜拼盤】有好多款菜... 包括蕃茄、粟米、娃娃菜、西洋菜、蓮藕、菜心、油麥菜等等... 真係包羅萬有!😬
整體上感覺唔錯... 特別係店員非常斯文有禮... 作為食客都食得開心啲啦!😊
Post
