Video
Read full review
2023-05-22
19 views
上星期約左朋友去西環間火鍋撚打邊爐。入到去發現熟口熟面，發現原來呢間同楚撚記係同一集團。佢地2間鋪位係連埋一齊既，但呢邊既裝修就較古色古香。主要都係卡位多，當晚我地2人坐勁闊落😌一坐低揀左個湯底先。呢到逢星期一至四惠顧指定火鍋湯底可免費添加鴨血或蜂巢豆腐。我地當晚嗌左台式古早味沙嗲麻辣鍋 $168揀左小辣，少麻少辣係可以handle到既辣度。有大量鴨血同蜂巢豆腐 ，食極都食唔曬！鴨血每一嚿都好厚身，QQ地，無腥味。蜂巢豆腐索曬啲汁超入味！美中不足係沙嗲味唔夠濃。🥢極品安格斯肥牛(大) $286啲肥牛一片片掛係個架到影相幾靚。屬於薄身既肥牛，油花平均，食落牛味濃郁。以呢個份量黎講價錢較進取。🥢鴛鴦雙蚌 $145珊瑚蚌同桂花蚌。食呢個都係食佢既口感啫。爽口彈牙又帶點鮮味。🥢牛骨髓(半份) $44打邊爐必嗌！滑捊捊，好軟嫩。🥢椒鹽九肚魚 $75新鮮熱辣上枱，外脆內軟好香口。必嗌！🥢黑松露菌醬爆漿牛丸(牛份) $59牛丸彈牙，真係一咬即爆漿！要小心唔好辣親個咀仔😅好香黑松露味，同個牛味好夾。🥢法式龍蝦湯爆漿牛丸(半份) $59又係一咬爆漿，不過相對比黑松露菌醬呢個龍蝦湯味就無咁出。🥢皇帝菜(一
入到去發現熟口熟面，發現原來呢間同楚撚記係同一集團。佢地2間鋪位係連埋一齊既，但呢邊既裝修就較古色古香。主要都係卡位多，當晚我地2人坐勁闊落😌
一坐低揀左個湯底先。呢到逢星期一至四惠顧指定火鍋湯底可免費添加鴨血或蜂巢豆腐。
我地當晚嗌左台式古早味沙嗲麻辣鍋 $168
揀左小辣，少麻少辣係可以handle到既辣度。有大量鴨血同蜂巢豆腐 ，食極都食唔曬！鴨血每一嚿都好厚身，QQ地，無腥味。蜂巢豆腐索曬啲汁超入味！美中不足係沙嗲味唔夠濃。
🥢極品安格斯肥牛(大) $286
啲肥牛一片片掛係個架到影相幾靚。屬於薄身既肥牛，油花平均，食落牛味濃郁。以呢個份量黎講價錢較進取。
🥢鴛鴦雙蚌 $145
珊瑚蚌同桂花蚌。食呢個都係食佢既口感啫。爽口彈牙又帶點鮮味。
🥢牛骨髓(半份) $44
打邊爐必嗌！滑捊捊，好軟嫩。
🥢椒鹽九肚魚 $75
新鮮熱辣上枱，外脆內軟好香口。必嗌！
🥢黑松露菌醬爆漿牛丸(牛份) $59
牛丸彈牙，真係一咬即爆漿！要小心唔好辣親個咀仔😅好香黑松露味，同個牛味好夾。
🥢法式龍蝦湯爆漿牛丸(半份) $59
又係一咬爆漿，不過相對比黑松露菌醬呢個龍蝦湯味就無咁出。
🥢皇帝菜(一份) $49
皇帝菜係我打邊爐例牌會食既菜，鍾意佢個新鮮菜青味。
🧊冬瓜檸檬沙冰(1渣) $89
好清涼解渴。
✨仙草芋圓
本身已經食到好飽，點知侍應話有得送甜品。有腐竹沙冰同仙草芋圓揀，我地2個都揀左仙草芋圓。真係有落足料芋圓，粒粒煙韌。
Post
