Video
Read full review
2023-10-23
58 views
踏入10月下旬，終於有涼涼地嘅感覺，天氣仲有啲潮濕。自己體質驚凍，天氣轉涼好易感受到，所以難得約到妹妹食晚飯，都係想食啲暖笠笠嘅嘢，打邊爐係首選，今次去大滾友食高質火鍋！依家午市、宵夜時段去食，火鍋店搞緊優惠全單68折，抵好多。今次係二訪呢間火鍋店，店舖內外古色古香，好似穿越時空返咗去古代一樣，店內牆身一律用上古代街景嘅牆紙，棕色屏風、木櫈，增添中國風，真係處處都係打卡位。器皿食具都一絲不苟，藍白陶瓷圖騰、龍頭立體圖案等見心思，全方位打造出歷史久遠嘅舊中國場景，環境一流！部分菜式名改得抵死搞鬼，令人會心微笑。✔️玲瓏浮凸·花膠雞湯鍋(半隻)$318侍應端上一大鍋黃澄澄大黃雞湯，雞湯用上大量三黃雞，熬製6小時以上而成。另外有個紅色膠煲上放咗半隻半生熟好足秤嘅雞，上面係厚度十足，一整大片嘅花膠。侍應會喺客人面前將花膠剪成一塊塊再放入湯鍋，先飲一碗湯，雞味濃郁又鮮甜，仲有大量骨膠原，感覺好滋補。雞塊放入湯淥一淥就食得，好滑嫩。✔️大滾友牛肉拼盤$418呢個牛肉拼盤包括咗七個牛肉部位：頂級安排斯牛小排、本地手切牛頸脊、澳洲和牛金錢展、美國頂級雪花肥牛、牛黃喉、牛肉粒、牛舌花，每款5至6塊/粒左右，
今次係二訪呢間火鍋店，店舖內外古色古香，好似穿越時空返咗去古代一樣，店內牆身一律用上古代街景嘅牆紙，棕色屏風、木櫈，增添中國風，真係處處都係打卡位。器皿食具都一絲不苟，藍白陶瓷圖騰、龍頭立體圖案等見心思，全方位打造出歷史久遠嘅舊中國場景，環境一流！部分菜式名改得抵死搞鬼，令人會心微笑。
✔️玲瓏浮凸·花膠雞湯鍋(半隻)$318
侍應端上一大鍋黃澄澄大黃雞湯，雞湯用上大量三黃雞，熬製6小時以上而成。另外有個紅色膠煲上放咗半隻半生熟好足秤嘅雞，上面係厚度十足，一整大片嘅花膠。侍應會喺客人面前將花膠剪成一塊塊再放入湯鍋，先飲一碗湯，雞味濃郁又鮮甜，仲有大量骨膠原，感覺好滋補。雞塊放入湯淥一淥就食得，好滑嫩。
✔️大滾友牛肉拼盤$418
呢個牛肉拼盤包括咗七個牛肉部位：頂級安排斯牛小排、本地手切牛頸脊、澳洲和牛金錢展、美國頂級雪花肥牛、牛黃喉、牛肉粒、牛舌花，每款5至6塊/粒左右，足夠3至4人食，攞盤有驚喜之餘，見到牛肉色澤咁靚、雪花好似網紋咁散佈，就知肉質會好鮮嫩口感軟稔！
✔️店長推介伊比利亞橡果豬$168呢種豬肉好肥美，油脂分布均勻，口感一流，係豬肉中和牛級數！
✔️大滾友雜菜拼盤$98
點咗咁多肉，一定要有蔬菜，呢個蔬菜拼盤包括差不多10種菜類：生菜、油麥菜、蕃茄、筍、雲耳、娃娃菜、蓮藕、金菇、粟米、紫薯等，每樣都有啲，唔使煩揀乜嘢菜，而且每樣都幾新鮮！
✔️自家製足料竹蔗茅根$78
火鍋店自家製，比較健康嘅飲品，甜度適中，清涼解渴！
✔️手打鵝肝墨汁墨魚丸四粒$72
一食落口就俾佢嘅彈牙口感驚艷到，叫「手打」丸一定唔會出錯，口感會有保證。用墨汁調味更加鮮，融入埋鵝肝感覺更矜貴。
✔️會員迎新甜品出火豆腐花$0
會員迎新免費甜品，估唔到咁給力，侍應端上木桶豆腐花，喺上面撒上黃糖，用火槍燒着少量酒精，再倒入豆腐花上，令黃糖變成焦糖，食個豆腐花都咁精緻，仲要免費，真心欣賞！
✔️醬介 $24@1
Post
