麵三館 (Closed)

上去荷里活道前諗住喺附近搵嘢食，因為太餓，又見依間無乜人排隊就入去試下。其實係門口見到餐牌已經覺得: 唔係麻，百幾蚊碗麵。咁就即管試下你有幾正。入到去，店員同我介紹佢地三個主打麵，1. 至尊手切牛肉麵2. 特選手切牛肉麵3. 新鮮手切牛肉麵當然至尊就係最貴最靚嘅牛。我又唔係好講究要食最靚，但新鮮手切店員話有啲韌，所以我揀左個特選手切牛肉麵試下。佢推介的蛋麵亦幾彈牙，但我厭佢硬身得濟，有啲似未煮熟。佢嘅特選手切牛肉幾正，幾林身又有肉味，唔錯。但湯都夠濃，不過稍嫌佢啲麵吸唔到啲湯味，有少少湯還湯，麵還麵。整體黎講唔錯的，但值唔值就見人見致，我自己覺得只值一試，因為價錢有啲不吸引。