Video
Read full review
2017-08-14
270 views
上星期提前慶祝老友Eric生日，飯聚於iSquare蟹將軍喜記。是晚菜色由美女Ruby發辦，老闆Raymond穿插監製~九道菜各具特色，水準甚高。負責組局的美女Ruby講明，大家只應帶白酒、香檳或汽酒出席，文公子已經預計，一定會係一桌精彩的White Meat盛宴~未齊人但想食住等，先上的椒鹽雙拼用九肚魚拼鮮魷，勝在脆得來不過鹹而能帶出海鮮甜味，飲下傾下已經乾去兩枝意大利白酒。終於齊人，上菜~花甲汁火焰蜆，汁鮮蜆甜而無沙。跟住的波士頓龍蝦就普普通通，有趣係無提供蝦鉗，而係由侍應開大閘蟹咁幫客開龍蝦殼...火焰清湯蝦最有特色，用爽脆的蝦球放在固體芝士上，下面用慢火加熱將芝士整融，然後與蝦球一齊進用，芝士汁帶有微酸味，無咁膩，仲同蝦球有一種化學作用。去喜記當然要食避風塘炒蟹，用大肉蟹淨係睇見個賣相已經大滿足，傳統金蒜炒，做咗幾十年，加上老闆監場，我哋食咩佢食咩，又點會唔高水準?BB鴿的水準唔錯，肉嫩帶骨香而唔太燶。其他菜色如蒸魚同古法豉油雞煲，水準不過不失，只係雞本來瓦煲上變咗碟上，似乎有點影響熱度，不過都即時改善了。下次想食蟹又唔想過灣仔橋底的話，來尖沙咀都好方便同就脚~飯後餘興附近亦選
飯聚於iSquare蟹將軍喜記。
是晚菜色由美女Ruby發辦，
老闆Raymond穿插監製~
九道菜各具特色，水準甚高。
負責組局的美女Ruby講明，
大家只應帶白酒、香檳或汽酒出席，
文公子已經預計，
一定會係一桌精彩的White Meat盛宴~
未齊人但想食住等，
先上的椒鹽雙拼用九肚魚拼鮮魷，
勝在脆得來不過鹹而能帶出海鮮甜味，
飲下傾下已經乾去兩枝意大利白酒。
終於齊人，上菜~
花甲汁火焰蜆，汁鮮蜆甜而無沙。
跟住的波士頓龍蝦就普普通通，
有趣係無提供蝦鉗，
而係由侍應開大閘蟹咁幫客開龍蝦殼...
火焰清湯蝦最有特色，
用爽脆的蝦球放在固體芝士上，
下面用慢火加熱將芝士整融，
然後與蝦球一齊進用，
芝士汁帶有微酸味，無咁膩，
仲同蝦球有一種化學作用。
去喜記當然要食避風塘炒蟹，
用大肉蟹淨係睇見個賣相已經大滿足，
傳統金蒜炒，做咗幾十年，
加上老闆監場，
我哋食咩佢食咩，
又點會唔高水準?
BB鴿的水準唔錯，
肉嫩帶骨香而唔太燶。
其他菜色如蒸魚同古法豉油雞煲，
水準不過不失，
只係雞本來瓦煲上變咗碟上，
似乎有點影響熱度，
不過都即時改善了。
下次想食蟹又唔想過灣仔橋底的話，
來尖沙咀都好方便同就脚~
飯後餘興附近亦選擇多。
雖然全晚飲咗十幾枝白，
但拆完蟹後依然去了諾士佛台China Bar，
又是另一翻熱鬧~
火焰清湯蝦
20 views
0 likes
0 comments
Post
