俺流塩らーめん (新都會廣場)

Open Now

Now Closed

俺流熟成濃湯拉麵 $58（需加一)-因為無數次中伏，依家黎到都只會點一號。食過第二款鹽湯，又貴又油，麵又唔掛唔到湯，感覺中伏。一號勝在價錢較平而且好食。平時食豚骨湯，愈食愈膩，冇辦法飲埋碗湯。而呢個鹽湯則相反，食第一啖覺得清淡無比，平平無奇，後來覺得咸咸地愈食愈上癮，最後仲要清埋個湯先安樂，重點係一啲都唔膩🙅🏻桌子上有其他醬汁可供添加，而食呢款湯我就認為原汁原味最滋味。鹽湯比較鹹，可能唔係人人都鐘意。湯底呈乳白色，經豬骨，雞骨同香葱所熬製，麵質彈牙，叉燒普通，食完有少少口渴既感覺。另外餃子都幾好食，一口一粒，沾上餃子汁真係無敵💁🏻‍♀️～唔想去葵芳掃街，食呢間都唔錯。