度小月 (海運大廈) (Closed)

今日同朋友專程去到尖沙咀試食度小月，十二點去到，唔洗等位。兩個人共嗌左一碗擔仔麵、一碗肉燥飯、櫻花蝦高麗菜、芙蓉炸豆腐。每人埋單約$100，夠飽。本人推介擔仔麵，份量少但個湯好好味！有好濃嘅蝦味，就黎成碗飲晒。隻蝦就一般般，都係當裝飾姐就算啦～肉燥飯不過不失，但朋友話好好食。高麗菜$78唔值，啲蝦乾味唔濃，唔同菜一齊放入好係唔會試到蝦味。最唔鐘意啲菜嘅調味太咸，而且又撈得唔均勻，會有啲凝固左一少舊。豆腐好滑，但豆味唔重，偶爾一兩件炸粉落得太多。