肉浦團火鍋放題

Open Now

Now Closed

今次揀左食團呢個餐，價錢係298加1。去到門口要揀食咩餐到湯底，我揀左壽喜燒仲包埋雞蛋，個壽喜燒好咸，食左冇幾耐已經咸到食唔到，店員幫我加湯，我都話唔好再加壽喜燒落去，我受唔起😂套餐有10款牛，3款豬，2款雞同3款海鮮可以揀，餐單有啲款冇左，但係冇人通知。出面自助區都有唔同丸類，菜同3款麵。熟食就有吉烈芝士豬扒同炸魚皮，亦有自助調味區同凍飲品，飲品選擇都好小。最後甜品每人有一樣，個晚係薑味gelato同tiramisu，個tiramisu同黑森林蛋糕冇分別。只可以講，服務都幾好，上菜快收碟快，好細心主動加湯，而且環境又唔會好迫。