小曼谷泰國美食 (Moved) New Location

九龍城泰國菜有好多，盡可能我每次都想試新嘢!對於食~我心口都有個勇字!不過今日想食小曼谷嘅炒魚麵，咁就無計，一定要食返小曼谷!椰青波波 一睇menu發現有我想試好耐嘅椰青波波，其實佢都係椰青，只不過係已經批晒皮，得返入面白雪雪嘅椰肉同椰青水，又香又滑，方便我呢d會刮椰肉食嘅人。如果本身唔食椰肉嘅建議叫返普通椰青，因為入面嘅餡完全一樣，但椰青波波就比普通椰青貴10蚊!飛天通菜 通菜味道一般，原本想食椰苗，但今日比較肚餓，叫通菜會襟食過椰苗，可以多d嘢填肚，哈哈!柚子沙律 原本想食青木瓜沙律，點知男友點錯咗。因為早幾個星期食到個好好味嘅柚子沙律，有得比較之下，呢個柚子沙律味道就普通咗!泰式乾炒海鮮魚麵魚麵係麵粉加入魚肉打成，麵條帶魚香有d似烏冬但口感較煙韌，比烏冬或上海麵更彈、更有咬口。海鮮有鮮蝦、帶子、魷魚，加埋雜菜同蛋絲一齊炒以醬油調味，火喉十足。