Video
Read full review
2020-12-28
645 views
曾經喺廣福邨起家冬菇亭燒賣既參叔，同姪仔係同邨街市開舖做燒賣，但同姪仔反目成仇，被拆夥，其後高山粉果燒賣就由姪仔管理，踢走左參叔，全因為一個錢字。三叔谷氣下自己喺昌運中心開咗依間新鋪，同高山劃清界線。燒賣由細食到大，但賣燒賣又可以排長龍嘅香港應該得幾間，而呢間粉果佬就係其中一間。-排隊🧍🧍🧍店舖係12:00開始營業，當日係星期日晏就13:20到達，排隊時前面大概有25個人，等咗大概20分鐘就排到，基本上日頭時間條龍都差唔多25人或以上，有試過夜晚經過得十幾人。-Menu📋除咗熱賣嘅粉果同燒賣，仲有提供魚肉碗仔翅、生菜魚肉、碗仔翅同埋咖喱魚蛋。因為粉果同燒賣都係店舖嘅招牌，為免好快賣晒要客人等出爐，每人限買$30燒賣同埋$20粉果。-1️⃣ 燒賣💰10（👅: 9/10）燒賣係用地魚、鯊魚肉同豬肉用機器混和之後，人手打成內餡，將魚漿內搓翻搞，一拳一拳打到佢起膠從而富黏性，喺店後嘅位置即包即蒸。鯊魚肉肉質彈嫩，而豬肉係五花肉，令燒賣增加油香。雖然工序非常複雜，但參叔堅持懷舊嘅味道就係足料、夠味、煙韌。燒賣蒸前同蒸後基本上大細冇乜點變，因為魚肉膨脹系數巨豬肉多好多，可以證明燒賣內餡係豬肉比較多，而
曾經喺廣福邨起家冬菇亭燒賣既參叔，同姪仔係同邨街市開舖做燒賣，但同姪仔反目成仇，被拆夥，其後高山粉果燒賣就由姪仔管理，踢走左參叔，全因為一個錢字。三叔谷氣下自己喺昌運中心開咗依間新鋪，同高山劃清界線。燒賣由細食到大，但賣燒賣又可以排長龍嘅香港應該得幾間，而呢間粉果佬就係其中一間。
-
排隊🧍🧍🧍
店舖係12:00開始營業，當日係星期日晏就13:20到達，排隊時前面大概有25個人，等咗大概20分鐘就排到，基本上日頭時間條龍都差唔多25人或以上，有試過夜晚經過得十幾人。
-
Menu📋
除咗熱賣嘅粉果同燒賣，仲有提供魚肉碗仔翅、生菜魚肉、碗仔翅同埋咖喱魚蛋。
因為粉果同燒賣都係店舖嘅招牌，為免好快賣晒要客人等出爐，每人限買$30燒賣同埋$20粉果。
-
1️⃣ 燒賣💰10（👅: 9/10）
燒賣
$10
27 views
2 likes
0 comments
燒賣係用地魚、鯊魚肉同豬肉用機器混和之後，人手打成內餡，將魚漿內搓翻搞，一拳一拳打到佢起膠從而富黏性，喺店後嘅位置即包即蒸。鯊魚肉肉質彈嫩，而豬肉係五花肉，令燒賣增加油香。雖然工序非常複雜，但參叔堅持懷舊嘅味道就係足料、夠味、煙韌。
燒賣蒸前同蒸後基本上大細冇乜點變，因為魚肉膨脹系數巨豬肉多好多，可以證明燒賣內餡係豬肉比較多，而粉或者魚肉比較少，但因為係人手做，所以粒粒賣相都會不一致，外皮睇落油亮香滑。
燒賣
$10
29 views
2 likes
0 comments
燒賣聞落去好香，應該係因為加咗冬菜，食落去，食到肉嘅質感，口感煙韌彈牙，唔會話食到重粉嘅感覺，都唔會話食到好重味精，感覺係食緊懷舊味重嘅燒賣，會令人勾起童年回憶。大細適中，味道鮮甜而帶鹹香，皮夠薄身，魚味重，真係所謂嘅拳拳到肉粒粒有魚，誇張啲咁講好似有魚係個口游水咁，鮮而不醒。
配燒賣嘅豉油都係加分，唔會話太鹹蓋過左燒賣嘅味道，好食嘅豉油應該係有少少甜味，而店舖係故意加啲炒蒜，從而帶出個甜味。
而辣椒油係自家炒製，香而不嗆，越食越過癮，不過有啲辣，強勁嘅後勁，唔食得辣嘅人未必接受到，而呢個自家製既辣椒油係可以買走一樽樽
-
2️⃣ 家鄉粉果💰10（👅: 7.5/10）
家鄉粉果
$10
25 views
2 likes
0 comments
粉果係用蝦米、芹菜、菜脯同沙葛製成，會將菜脯搞碎，揸乾入邊嘅水份。蝦米會炒至金黃焦香，加上菜脯，炒至乾身，之後加上芹菜令到口感香口，再加上爽甜嘅沙葛乾炒去除草青味，最後加上乾蔥頭、糖同充滿油脂嘅豬油渣炒勻，就完成粉果嘅內餡。
家鄉粉果
$10
22 views
2 likes
0 comments
以外皮係用有彈性嘅木薯粉，加入澄粉去增加色澤，為左個皮軟熟而加生粉，加上可以令粉果變滑嘅太白粉，用冷熱水中和以上材料，差成粉果皮之後切成均稱嘅大細，再做成一塊塊厚薄平均嘅粉果皮。
為咗唔會令粉果爆皮，內餡嘅份量要適中，但又唔可以唔足料，一茶匙嘅內餡就足夠，最後蒸15分鐘就可以品嚐到呢個工序複雜、材料唔馬虎嘅粉果。
粉果外皮較煙韌，冇落花生，同傳統嘅潮州粉果做法有少小分別。
皮我覺得係厚得濟，而且比較韌，個人覺得唔係幾對我口味，可能係打皮既問題，雖然冇落花生但係識落係似潮州粉果。餡食落爽口，但識落唔係好食得味道上有幾豐富。粉果食落冇燒賣咁出色，但依個價錢食到三粒粉果個人覺得係幾抵食，但依個味道值唔值得山長水遠嚟一試就值得商榷。
-
🌟香港大部份嘅燒賣都係入貨，入貨嘅燒賣好食極有限，粉多個魚肉，而人手做嘅燒賣實在少之又少，依間燒賣實在係食到魚味，而價錢亦都合理，粉果就覺得冇燒賣咁出色，可能個人口味問題，但我覺得為咗食依家可能係全香港最好食嘅燒賣，係值得山長水遠嚟一試，但日頭嚟食就要有心理準備排隊。
-
👅味道: 9/10
🍴環境: 6/10
💰消費: 20 (服務費: NA)
Post
