客家人

Open Now

Now Closed

🪿「家鄉碌獅頭鵝」必叫！師傅先用滾油淥脆層皮再燒，所以鵝皮勁煙韌彈牙，鎖住肉汁之餘，肉質嫩滑香噴噴👍🏻 用嘅係大鵝，半隻份量已經好多。工序繁複，記住要早一日預訂！BTW 鵝皮fatfat 超！正！要揻皮嘅人不如留返俾識食嘅人啦... 唔好浪費食物🥹🙏🏻🐥「黄酒煮雞湯」必叫！平時成日飲雞湯，用客家黃酒煮真係第一次，有股甜酒香但唔會醉🤣🤣 雞係煎過再煲湯，香濃但keep到嫩滑。湯雞冇油浮面唔膩，相信師傅隔咗，好細心🫶🏻💕 偷飲咗少少客家黃酒，好似rum，有提子乾甜味嘻嘻🍇 唔怪得湯咁香！餐廳有水缸，我就知個天叫我嗌海鮮！！果然冇令我失望，「酥炸美國桶蠔」肥嘟嘟卜卜脆，一咬有聲＋爆汁🤯💥「椒鹽鮮魷」，都真係近年我食過最好味嘅版本，新鮮魷魚咬落係爽口有膠質，粉漿好薄但又超脆，唔知點做到 （求教）💯🐷「冰鎮咕嚕肉 」係半肥瘦架！！！師傅真係識啲野！！！建議上菜後分開啲肉等佢每粒都被冰包圍，再放佢幾分鐘先食，個甜酸皮會再脆啲，去到呢到我已經X唔住好飽... 但都清碟唉點解？點解要咁好味？🚬🚬🚬「金銀蒜粉絲蒸勝瓜 」& 「客家煎釀豆腐」 正好清一清今晚嘅超濃味蕾，唔錯。