RBTea (Under Renovation)

呢間餐廳主打waffle同pancakes，之前食過tea都好好食同好飽，見今晚唔係好肚餓，就淨係叫主食。個飯都幾好食，粒粒分明之餘又軟硬適中，好啱配個牛肉食，又有汁，一啖肉一啖飯就好正。啲牛肉都好好食，夠入味又唔韌，係覺得陣味好似豉椒排骨味😂，配埋個蕃茄仔，幾開胃。煙三文魚同意粉都好食，多數呢兩樣配埋一齊都唔會fail，個意粉太淡，冇乜味；加咗西蘭花煮，個人覺得唔太夾，西蘭花太生，好硬。整體來說兩個主食份量都唔夠，比普通份量少，食完都唔飽（可能預計啲客食埋甜品掛haha）；環境方面唔係幾好坐，雖然係梳化，但座位偏矮，全程對腳要屈住咁坐（另外嗰邊有正常高度的檯）。