唐人坊 (Closed)

咁多年都係黎幫襯過幾次，每次都係主打食海南雞飯，最穏陣，別無他選 ~ 飯市非常繁忙，每次都要等上三十分鐘以上先有野食，舖位細但放滿枱櫈，好迫夾，坐得唔舒服 ~ 而且衛生唔夠乾淨，一路入門口已有陣異味 ﹗好多地方都有待改進 ~去骨海南雞飯，睇見其實一早已去晒骨、切定晒、分晒一份份，只係加個黃薑飯底就可以上枱，點解咁都要等成半個鐘呢？海南雞不肥不瘦，肉質嫰滑，雞皮程深黃色，代表雞味濃郁，一試果然呀 ﹗肉味濃，肉汁豐富，口感仲好滑溜添，配埋秘制甜酸汁份外醒胃，好味。黃薑飯質數就時好時壞，好多時都過腍過濕唔乾爽，見今次都係同一毛病，濕 ﹗濕會令到味道變淡，質感變差，香味欠棒，麻麻地。雞好好味，飯就唔多掂。