家嫂 (Closed)

餐廳裝修別緻，充滿中國古典風格特色，屏風，餐燈，就連餐碗餐碟都好靚！$312/位，依個火鍋放題，有晒順序俾你順住食：刺身，蝦多士，雞煲，打邊爐，而且有多種野飲任飲，除左平時飲開既大眾化罐裝飲品，仲有餐廳自家煲既涼茶/特飲，最欣賞係一杯杯用膠膜封好晒，非常衞生。除左刺身，所有野食都可以任叫任食的。未開始之前，服務員會捧好多前菜俾你，辣菜鋪花生，沙律，胡椒豬肚，蜜糖雞翼，蔬菜天婦羅....真係未入正題已經飽左3成，大家要留意番😂咁多野食，小妹揀幾個重點😏🐔雞煲聞落香，不過食落唔係好夠味，唔夠惹味打邊爐用既煲好有宮廷色彩，外形同色彩都好獨特🍤松露蝦多士：新鮮即炸，熱辣辣，千祈唔好一啖擺入口。蝦多士唔會好多油，加埋些少松露醬點綴，幾好食！🛶海鮮船：成餐既點精位，有蟹、青口、帶子、蠔、蜆、黃花魚、墨魚滑....擺盤隻船有d誇張，特別係大台隻船要2個人一齊搬😲鍾意食海鮮既朋友岩晒，蟹🦀同蜆係至愛，好鮮甜，黃花魚仲要係一條上，又滑又甜。番點海鮮既時候，服務生仲話有鮑魚，問我地試唔試添😊依個價錢，可以一試！