Video
Read full review
2023-01-20
187 views
平時都知道入得迪士尼食嘢就一定會貴啲架啦，原本都唔太期待會食到好嘢，但最基本可以放入口都做唔到，真係唔知講咩好因為早入園玩，所以玩到下晝已經有啲肚餓，咁自自然然就要搵嘢食，咁啱諗起大街餐廳新出左一個LinaBell 下午茶，咁見佢價錢又唔係好貴，咁就諗住試吓啦，咁大嘅3點去排；排之前都已經問定仲有LinaBell 下午茶，因為聽聞有唔少人遲咗去排，然後發現已經賣晒。佢話有，咁就同朋友大概排咗45分鐘左右就可以入去，咁係排隊嘅時候，職員已經問定我哋係唔係食LinaBell 下午茶嘅下午茶，但係入到去要再order多一次。（咁可能係因為方便統計，但係職員又話幫我哋落咗先，係有少少混亂嘅）咁安排左我哋喺一個角落頭位置，咁原本迪士尼嘅餐廳座位都係逼夾啲，咁樣坐喺角落叫做舒服少少，咁朋友驚話得一份下午茶唔夠食，所以我哋另外加配多咗一個甜品Duffy 樂悠悠$98其實除咗多咗兩塊有Duffy同ShellieMay嘅餅乾之外，就三球普普通通雪糕嘅雪糕杯，分別係朱古力、士多啤梨同焦糖燉蛋味，冇咩特別好唔好食，不過可以嘅話，希望佢啲大球少少，我同朋友唔洗一陣就已經食晒。同埋佢底下配咗少少士多啤梨粒、藍莓
因為早入園玩，所以玩到下晝已經有啲肚餓，咁自自然然就要搵嘢食，咁啱諗起大街餐廳新出左一個LinaBell 下午茶，咁見佢價錢又唔係好貴，咁就諗住試吓啦，咁大嘅3點去排；排之前都已經問定仲有LinaBell 下午茶，因為聽聞有唔少人遲咗去排，然後發現已經賣晒。佢話有，咁就同朋友大概排咗45分鐘左右就可以入去，咁係排隊嘅時候，職員已經問定我哋係唔係食LinaBell 下午茶嘅下午茶，但係入到去要再order多一次。（咁可能係因為方便統計，但係職員又話幫我哋落咗先，係有少少混亂嘅）
咁安排左我哋喺一個角落頭位置，咁原本迪士尼嘅餐廳座位都係逼夾啲，咁樣坐喺角落叫做舒服少少，咁朋友驚話得一份下午茶唔夠食，所以我哋另外加配多咗一個甜品
Duffy 樂悠悠$98
其實除咗多咗兩塊有Duffy同ShellieMay嘅餅乾之外，就三球普普通通雪糕嘅雪糕杯，分別係朱古力、士多啤梨同焦糖燉蛋味，冇咩特別好唔好食，不過可以嘅話，希望佢啲大球少少，我同朋友唔洗一陣就已經食晒。同埋佢底下配咗少少士多啤梨粒、藍莓、椰果同涼粉！冇錯，你冇睇錯呀，真係涼粉啊，唔知設計餐單嘅師傅係咪好鐘意食中式糖水定點，佢係一個咁西式嘅甜品中加入涼粉。雖然平時喺糖水舖都有見雪糕底下有涼粉，但係一般都係用雲呢拿雪糕，涼粉隻味認真同呢三款雪糕隻味好唔夾，搞到成件事好奇怪；除此之外，嗰兩塊餅乾就係好實身嘅牛油曲奇，味道不過不失，但係除咗顏色有分別之外，其實實質上味道一模一樣。
感覺上出去大街買雪糕會更加值，因為嗰個雪糕打卡更加靚。
咁講返嗰下午茶先，佢包咗兩杯野飲，咁我同朋友都一樣揀咗LinaBell蜜桃士多啤梨乳酪特飲，飲落去完全唔會飲到蜜桃味同乳酪味，淨係飲到士多啤梨味，幾好飲，有少少似沙冰嘅質感，不過除咗表面多n咗個LinaBell樣之外，冇咩特別，而且因為杯身嘅關係，飲到一半LinaBell嗰樣唔見咗
食物看似有很多種咁，但係有好多都唔太好食或者根本就唔可以放入口。同朋友覺得唔錯嘅真係得三四樣，好似煙三文魚配黑松露炒蛋多士、鮑魚酥盒同紅桑子曲奇這些
好似依個荔枝綠茶棒咁，樣係唔錯，但除咗表面嘅朱古力之外，佢入面個餡勁難食，我試完一啖就放棄咗
又或者依個迷你朱古力冬甩，佢除咗表面嘅朱古力係甜之外，佢入面個冬甩都係鹹架，一啖咬落去真係唔知自己食緊咩
士多啤梨千層酥同熱情果夾心朱古力
如果唔係餐牌一開始有寫明熱情果夾心朱古力，我完全食唔到朱古力入面係熱情果，淨係食到朱古力味同少少酸味
嗰士多啤梨千層酥，啲酥皮係整得唔錯，但奈何個士多啤梨醬味道超假，破壞左嗰酥皮
仲有個龍蝦牛油果沙律籃（冇單影到相，就係下午茶中整到好似成粒燒賣咁）初頭食嘅時候冇咩野，但係食完之後佢嗰陣腥味湧出嚟，即刻飲咗半杯水都搞唔掂，都唔知係咪已經變壞咗
其他就費事再講，但真心收得依個價錢，就算明知客人係為咗打卡先叫，但感覺上可以再用心啲🫠🫠🫠不過，真係可一不可再
Post
