漁牧 (Closed)

７點幾果陣，店舖入面幾闊落，因為都係得十枱唔夠，以尖沙咀黎講都幾冷場。通風都係一般般，食一陣就會覺得兜烤魚飄哂Ｄ油落個身到。Ｄ店員叫佢都肯過黎落單，不過就個個都比較冷酷，冇咩表情，野食都上得幾快。花雕醉雞: 聞落酒味好濃，食落都好重酒味，不過隻雞係無味既醬油皮蛋: 皮蛋有”壓”味，唔好食水煮牛肉:　麻辣香，食落唔會話太辣，怕辣但又鐘意食辣既可以試下，牛肉份量唔少，個底有薯粉。不過食落都幾口渴，唔知係咪有加味精，逼你一定要叫野飲，因為水都要收錢，所以索性叫特飲好過。大漠風沙雞翼: 炸粉包住舊單邊雞翼骨，舊肉細舊到唔見左咁，無肉汁無味，老麥脆香雞翼仲好食　十級伏酸辣海鱸魚：　湯底似冬蔭公，食下食下就變左泰式辣醬味，魚夠厚肉嫩身，但唔好期待會好入味，上魚果陣魚下底已經加左炸枝竹同冬瓜片（各４小塊）８點前結帳或９點半後入座有５０％折扣只不過剩係限「烤魚」，佢個條款都幾伏，唔仔細睇會以為全單半價。整體黎講，剩係食佢個半價烤魚同水煮牛肉係還可以既，其他就不了。