漁牧 (Closed)

最近得知這店結業了，知道它的大興集圑旗下的食肆，五月份和朋友曾到此店打卡，我覺得它失敗的原同在於食材品質差。在尖沙咀來說，它的裝修不俗，酸辣魚的香料和湯底也很正宗，吃得出花椒，辣椒和胡椒的香辣，另外渇底亦有很多酸菜，蒜，薑，檸檬菜，香芹和䓤香，很酸中辣層次有序，單是湯底非常正宗，令人好開胃，打邊爐此湯底最正，可是我後悔選了鱸魚，完全無魚鮮味，魚散，味如咀蠟，因此大打折扣，其實完鯇一定比雪貨鱸魚更好吃! 小吃麻辣皮蛋，麻辣汁很出色又麻又夠辣，可是皮蛋是最好貨色，不夠綿香和蛋味，太普通。甜品實不錯，紫薯驢糯米皮做得又軟又糯，淡淡的甜，淡淡的紫薯蓉口感，好好吃甜品。無奈此店衰在食材太差，被淘汰在所難免。

近年來內地烤魚風正響，好多人都長途跋涉到深圳食烤魚，究竟香港式既烤魚又可唔可以媲美得上呢，尖沙咀既呢間漁牧都算有名氣!🤗今日就同朋友黎試試佢。餐廳位於加拿芬廣場樓上...入面有卡位有大枱....餐廳空間感大...裝潢可算是非常新派呢...環境非常整潔👍🏻👍🏻一行三個女生食得不太多...一個魚煲一樣菜式一個甜品...🙆🏻‍♀️首先當然係今次黎既重點啦，可以選擇既魚種分別有3種，有海鱸魚、龍脷魚和清江魚而口味又有6款多!🤭最後選擇既係海鱸魚配上火熱香辣既口味...烤魚賣相很吸引但望落去湯底血紅色👀起初還有點怕怕的既怕辣又怕油膩，但食起黎又不算太辣，辣辣地又帶小小麻感😋會越食越開胃至於油膩度食落又沒有望落去感覺咁油...😛是可以接受的！👍🏻當然係會食一陣飲飲水會比較舒服😌😌魚肉份量算多，海鱸魚組織多為大骨，小骨唔多，食起黎可以暢快d，最重要係魚肉唔會散開晒，最怕既就係食魚魚肉散散亂亂，難怪海鱸魚做到烤魚界既一哥，整體不錯！😋✨👅另外建議加配上紅薯粉同土豆片一齊食，吸收左湯底既麻麻辣辣，完全係愛辣者既最愛，遺憾既係魚肉有點黐底。可能一直燒又唔多反一反魚就會有黐底既效果吧！🧐🧐另外再點了一份椒鹽鴨

舊同學生日，她指名想要食辣嘢，我們在網上看到 漁牧 的水煮魚(餐牌叫沸騰魚) 相片，被那紅椒海吸引住了，大家打算捨命陪君子，盡情辣一鋪漁牧沸騰魚可以選魚的種類，我們選了鱸魚，如果有桂花應該更好好一片紅椒海!!! 實在太eye catching，忍不住影多幾個SHOT滿滿的紅椒彷似在呼喚我們，快D食左佢咁其實滿滿的紅椒會在大家食之前"畢"起，所以有點似裝飾用途，虛張聲勢湮沒在紅椒海底下是嫩滑的魚片及晶瑩剔透的薯粉魚片沒有腥味，不過味道頗淡，就是只有魚的味道，似乎不太吸收到辣味和湯底的味道，還好肉質嫩滑，夾起來亦不太易散驚豔的是薯粉，薯粉應該之前已用其他湯底煮熟了再用來墊底，所以薯粉吸收了一些底味，味道清甜而且滑不溜口，一讚再一次配角比主角精彩片皮鴨或許是因為叠起來擺碟，感覺上份量有點少....不過食下食下又覺得夠食片皮鴨皮的部份烤得頗酥脆，所以皮下的油脂相對也流失了鴨油的甘香不太明顯，也影響了口感燒魚(火熱香辣味)又是一面熟悉的紅海不過這次燒魚的辣度則是有姿勢有實際，幾辣的!香料味較沸騰魚重，芫茜也發揮了很大的用處，香氣撲鼻將魚身輕輕剖開，把辣汁淋往魚肉，讓辣味能充分的展開而且由於用鐵板

已訂座，但去到都要等。咁點解要訂位呢？餐廳枱與枱之間好貼近，坐得唔係好舒服。可以唔試，太油惹味，因用雪藏雞，味道好木香脆嫩滑，多肉汁一般魚肉用上鮮魚，魚經煎炸過，魚湯味突出。味精都幾重下後記:發現左佢係太興其下一個品牌

自己一個人食午飯，多數都係食得清淡d。諗起上次去「茶木」等位，隔離間「漁牧」冇咩客人，甘樣食午飯唔洗急住讓張檯出來，可以慢慢hea下啦。正呀！當日雖然係假期，但預料之中，真係勁多臺，勁少客人！假期都有lunch set咼，好抵食。好多選擇下，清清地點左手打墨魚滑湯烏冬。包一杯餐飲賣相幾精緻！但d湯冇味既，水甘淡。有點失望，烏冬唔係巑崎烏冬果真是手打墨魚滑呀。食落，冇味既！唔通冇落調味料？！冇味的一碗麵

朋友生日想吃辣的，她點名要吃這家因为見食評不錯因為三個人都喜歡辣而不喜歡麻，所以決定叫香辣烤魚。有海鱸魚、龍脷魚和清江魚可以選，因為唔知乜係清江魚，龍脷魚惊太薄唔夠食所以選了海鱸魚。烤魚來到賣相很吸引味濃香辣，大家都覺得辣得剛剛好，味道唔錯😘 一吃條海鱸魚煎的好干柴😳😳魚是幾大條的但老😰 所以有些后悔，大概選龍脷魚會好些吧But who knows？！🙄🙄很多人讚的皮蛋 - 皮蛋沒什么特别，主要是醬汁不錯！甜豉油里帶小小開胃的微酸醉鷄也可以！紫薯驢打滾 - 可能是擺放的問題，靠碟那邊正常軟熟，靠面的那邊有些干硬，吃得出但不算嚴重另外還叫了兩揸酸梅汁、金針菇、萵筍、豬血的配料。雖然食物普通不過不失 但坐位寬敞，環境沒有一般餐厅很逼侷促的通病。香港地寸金尺土，此餐厅食飯也沒有限時限刻。以中價餐厅來講，食物普通但有甘的環境 算對得起它的價錢

今日特別招待個台灣朋友，所以就上openrice揀左尖沙咀附近餐廳，俾我見到依間漁牧仲要係至愛酸菜魚，仲有泡椒爐魚tim呀片皮鴨方面，我覺得唔太特別，唔算話好好食，打電話訂位時，餐廳幫忙預留ge，初時麵唔知有提供片皮鴨，但份量都算多，當然同價錢係成正比啦到兩個主菜啦酸菜魚一上檯，超吸晴囉！好大碟，加上一試想再試，因為不論湯底同魚質都好好好味，湯底唔會好咸同幾鮮味，魚質就完全係最愛，因為無魚骨又滑喎！真係好好味，中間有服務員過黎同我地講，話依個真係好味架，要連湯飲tim朋友們都大讚！跟住，就係泡椒爐魚啦泡椒爐魚我地擔心太辣，初時都有同服務員講可唔可以少辣，點知佢話無得少辣，但就話唔係好辣架，黎到上檯就覺得好香，雖然初時食有少許辣，但食下食下就好想食，而中間我地都加左紅薯粉、豆卜同墨魚滑，個魚真係好好味！同埋好多魚肉

Had my whole group gathering in this place last time. Was able to try almost everything in the menu and ended just paying at about two hundred Hong Kong dollars for each person which is very reasonable. We ordered the coconut juice chicken hotpot, durian chicken pot and garlic fish pot, grill pig with stuffed glutinous rice, dumplings and beef stomach as side dishes. First of all the most honourable mention was the durian pot. It brought our taste buds to the next level by putting chicken with d

難得週六，晚黑同老婆一起去撐檯腳，享受下週末時光。兩個人都有少少想吃辣，見到呢間網評咁高，就決定來試下，不過可能預期太高，就會有少少失望。招牌菜的確係好味道，皮脆肉嫩，又唔肥膩，再加埋風味特別嘅醬汁，停唔到手。不過以份量來計，唔算好便，但可以值得一試。烤魚就表現平平啦，魚肉唔滑，下面鋪咗啲芽菜同海帶，重點係味精真係好多！！吃完飯返屋企飲咗好多杯水。 份量而言，兩個人吃就幾夠。始終覺得都係返大陸吃嘅烤魚最好味。另外我地叫咗生津梅子汁（60蚊一札）同前菜青瓜撈雲耳（33蚊），都OK，不過不失。整體而言，雖然有gimmick,不過性價比麻麻，覺得試一次就好。

川菜以麻、辣、鮮、香見稱, 其麻辣程度非同小可, 今次就同愛刺激的朋友一齊去<漁牧>見識吓, 挑戰我地味覺的極限^^ 呢度嘅裝潢很有中國風, 地方都算大, 座位充足而且坐得舒服~ 先來麻辣海帶絲做前菜, 海帶非常爽口, 而且份量很足, 是個不錯的冷盤~ 再來壇子花雕雞, 花雕酒酒味濃郁, 雞肉肉質鮮嫩香滑, 是余媽媽最愛! 鮮泡椒酸菜味燒蘆魚, 內有篙筍, 豆卜, 鮮腐竹和蟹柳等做配料, 非常足料。。。 魚肉質嫩滑, 不過真心辣! 大家食得辣至好叫呀! 而配料因為吸收晒啲汁, 所以非常入味! 喜歡食乳豬嘅朋友, 可以試吓呢款漁牧混豬 (呢度係1/4份, 2人食好足夠)~ 我覺得佢有好有葡式乳豬嘅風味, 仲有三款醬料提供 (包括: 綠茶醬,魚牧混豬醬和傳統乳豬醬)~ 飲品方面, 我點左青檸柚子凍, 朋友就點左黑糖竹蔗凍~ 兩款飲品各有特色, 前者加左了青檸, 清新開胃~ 而後者有竹蔗, 甜甜地而且很清熱! 川菜都幾有特色, 今云辣得好過癮, 下次再嚟挑戰味覺極限吧！

同幾個朋友想食水煮魚想食咗兩年都未有機會一齊食，終於可以約埋一齊去食啦，最後我哋揀咗呢一間餐廳fisher & farmer。見到佢嘅烤魚好吸引，所以就點左烤魚，原來都幾好食㗎。啲魚肉好滑，味道雖然好重但係唔會覺得好辣。平時少食辣嘅朋友都有一齊食，終點左其他小菜，個醉雞都好好食。但係呢間餐廳的服務員態度好差，而且有啲粗魯，好彩啲嘢食好食如果唔係成餐飯都唔開心！不過呢度可以坐好耐，我哋坐到啲人走晒我哋先走。而且啲座位好闊落，想傾計傾耐啲嘅話可以嚟呢度。

韓國朋友黎香港懷免做交換生嘅大學生活，相約係尖沙咀晚飯。放左工急急腳係新界碌出城，黎到嘉拿芬廣場二樓嘅漁牧，朋友食過話唔錯，一於試下佢朋友訂位時問洗唔洗預訂老北京烤鴨，話可以幫手預留，點知轉個頭又話無晒，唯有下次先試啦。韓妹嗜辣，所以我地叫左個spicy hot 嘅海鱸魚，好快就送到，上枱一刻見倒鋪滿密麻麻嘅辣椒🌶️，知道唔惹小。海鱸魚稍為煎香再煮，肉食都幾結實，配以香辣味好刺激。食完魚可以再加其他食物打邊爐（正確黎講都唔算打邊爐，因為選配嘅食物都係廚房加熱左先，怕爐火熱唔起，所以只可配簡單食物），呢度有少許失色呢。除左魚，我地仲叫左兩份前菜，分別係糖醋排骨（硬左少少）同埋醬油皮蛋（外國人點都要試下，呢係好味喎），仲有叫左1/4 隻 bb豬，bb豬好嫩口，配三隻醬汁食好好味，底下嘅蔥油飯亦不錯。整體黎講其實佢個魚就唔夠其他鋪頭咁出色，而佢餐牌上嘅菜色都屬gimmick，希望下次試倒款主菜係佢嘅主打啦

凍凍地都想打吓邊邊,朋友c 選了漁牧,到達漁牧,看到其他客人叫的都是一盤盤滾著火辣辣既魚,因為唔係好食得辣,我地叫左個青甜椰青雞窩做湯底,個湯底係用兩個椰青水,椰青肉加1支細蒸餾水弄成,侍應等湯底滾起再放入雞煮20分鐘,湯入面加有馬蹄同竹笙,聞到陣陣青香,等了一會,我地每人一碗椰青雞湯,清潤無燥啊!真係鮮甜滋潤因為火煱料選擇唔多,我地只叫左: 墨魚滑; 萵筍; 枝竹; 紅薯粉,(但紅薯粉唔知點解係白色)另外仲叫左2個小吃:絕味雙菇 同 香甜爽口菜,絕味雙菇係雞脾菇同冬菇,小小辣幾好味,香甜爽口菜就係娃娃菜加日式胡麻醬,而甜品叫左: 豆沙窩餅,佢似台式太陽餅,與上海豆窩餅不同,我就覺得尼款唔係咁好味...飲品就點了酸梅湯1瓶,不錯的飲料喔~

漁牧主打新派川茶，喜歡麻辣的我決定要試一試。回味酸辣味燒魚－魚夠大條，味道酸酸辣辣，開胃醒神，魚肉肉質鮮嫩，放在爐上燒，可以慢慢品嚐。榴連雞煲 －榴連的味道令人又愛又恨，愛的遠遠聞到都會垂涎三尺，恨的聞到會敬而遠之。漁牧竟大膽將生果入饌，選取的更是果皇榴連，配上鮮雞，製作成港人最愛的雞煲。不吃榴連的我懷著戰戰兢兢的心情試了一口，味道倒不是跟平時吃生果一樣，煮過的榴連濃烈的味度減退了不少，多了一份甜味，配上新鮮嫩滑的雞件，十分惹味。

臨近冬天，又系打邊爐嘅日子。經友人的介紹下嘗試下新嘅打邊爐，因本人冬天都喜愛打邊爐但已經一連幾日都打邊邊，所以友人便推介了一個冇咁熱氣嘅椰子雞邊爐試下新嘢。漁牧之前都試過不過是食北京烤鴨都是不錯的，今次試下打邊爐又是一個不錯的選擇。椰子雞火鍋，真系即開數個椰子，然後倒入鍋內做湯底，不加水，只用椰子水做湯底，認真鮮甜美味，再加入雞肉，雞肉吸收哂椰子湯底，鮮甜嫩滑，雞肉不會感覺老，可以試下煲耐啲都仍然嫩滑。肥牛，打邊爐少不得，雖然肥牛不是採用和牛，但仍有和牛相近入口即溶嘅口感，不俗，賣相吸引，油花同肉嘅分佈紋理清晰可見，值得一讚。蝦滑份量十足，比其他火鍋店更多。豆腐稍微有雪味，失色不少，未能盡吸椰子味。尤魚不錯，更有服務員為你切開，服務員服務周到，不時為你加水及火鍋湯，即時當時是繁忙時間。