Video
Read full review
2020-01-31
1554 views
話說近嚟好興古早味蛋糕，開到周圍都係，香港嘅熱潮就係咁。我最印象深刻嘅古早味蛋糕就係喺台北淡水，兩次經過都排哂隊，仲要係本地人，但太多人所以我一直都未試過🙁。之前我已經喺香港其他舖頭食過，我自己就幾鐘意，因為味道簡單，就係有濃郁嘅蛋味🥚，唔太甜，口感鬆軟。年初三喺西環行大運，竟然見到有間舖頭燈光花著，個名叫做「麥蛋糕」，我哋即刻行埋去睇下。其實之前都好似知道有新舖開，但多數都掂行掂過無細心留意。正正因為新年佢都有開，所以我哋就幫襯左喇😜。鋪頭好光猛，從透明大玻璃可以望到幾嚿大蛋糕🎂。呢到都係賣古早味蛋糕，個牌就寫住有六款口味，分別係古早原味、古早黑糖、流心芝士、🍵抹茶紅豆、🍫巧克力同埋芝士蛋糕。但我目測得原味同黑糖味，另外就有張紙仔寫住流心芝士蛋糕嘅新鮮出爐時間係五點三。呢到有得試食，現有嗰兩款我都試哂。原味普普通通、無乜特別；黑糖味個面就有啲芝麻，但食落黑糖味好淡，比起原味更一般😟。因此我哋決定行個圈等多等，等到五點三試下芝士味。五點四去到流心芝士蛋糕已經出咗場，我哋即刻買返嚿，女店員拎起長長嘅麵包刀好精準咁一分為二😂。題外話，隔離本身嗰兩嚿大蛋糕好似無乜郁過...🙊。小店最好嘅一樣
話說近嚟好興古早味蛋糕，開到周圍都係，香港嘅熱潮就係咁。我最印象深刻嘅古早味蛋糕就係喺台北淡水，兩次經過都排哂隊，仲要係本地人，但太多人所以我一直都未試過🙁。
之前我已經喺香港其他舖頭食過，我自己就幾鐘意，因為味道簡單，就係有濃郁嘅蛋味🥚，唔太甜，口感鬆軟。
年初三喺西環行大運，竟然見到有間舖頭燈光花著，個名叫做「麥蛋糕」，我哋即刻行埋去睇下。其實之前都好似知道有新舖開，但多數都掂行掂過無細心留意。正正因為新年佢都有開，所以我哋就幫襯左喇😜。
鋪頭好光猛，從透明大玻璃可以望到幾嚿大蛋糕🎂。呢到都係賣古早味蛋糕，個牌就寫住有六款口味，分別係古早原味、古早黑糖、流心芝士、🍵抹茶紅豆、🍫巧克力同埋芝士蛋糕。但我目測得原味同黑糖味，另外就有張紙仔寫住流心芝士蛋糕嘅新鮮出爐時間係五點三。
古早原味蛋糕
127 views
0 likes
0 comments
古早黑糖蛋糕
96 views
0 likes
0 comments
呢到有得試食，現有嗰兩款我都試哂。原味普普通通、無乜特別；黑糖味個面就有啲芝麻，但食落黑糖味好淡，比起原味更一般😟。因此我哋決定行個圈等多等，等到五點三試下芝士味。
五點四去到流心芝士蛋糕已經出咗場，我哋即刻買返嚿，女店員拎起長長嘅麵包刀好精準咁一分為二😂。題外話，隔離本身嗰兩嚿大蛋糕好似無乜郁過...🙊。小店最好嘅一樣嘢就係有得買半盒，啱哂想試下嘅人，又可以一次過食兩款口味。但我見到有人買半盒就得張紙包住嚿蛋糕，放入膠袋，無盒。
我哋要咗一盒流心芝士蛋糕($70)，半盒就$38。新鮮蒸出嚟嘅時候，蛋糕都已經唔覺特別香😅，但食落都ok。雞蛋味濃郁，芝士熱辣辣流心的，味道鹹鹹哋，夾埋一齊食個組合都幾得意。蛋糕口感亦都鬆軟，但整得較為濕咗啲，乾身點會更好。
流心芝士蛋糕
$70
72 views
0 likes
0 comments
一次過食唔哂，我放咗佢入雪櫃，凍食味道又有少少唔同，口感無咁濕，芝士唔流心無咁搶味。凍食熱食各有千秋！
蛋糕盒有列出建議食法同點整熱去，其中一個就係放入微波爐叮五十秒。我就跟住做拎去叮一叮佢，食嘅時候要小心熱，因為🧀芝士再次變返流心，咁樣熱食又係另一風味。
總括嚟講，麥蛋糕嘅古早味蛋糕其實唔算太出色，質素平平，流心芝士味就好少少，可以一試。其實蛋糕嘅質素同佢受唔受歡迎都係相互影響，因為多人買，小店先要keep住不停整，先會好食。希望多啲人幫襯小店，蛋糕就會好啲，不過要點樣先做到第一步呢🤔？
Post
