麥蛋糕

Open Now

Now Closed

今天傍晚去了蛇王海食蛇羮，記得去回程時皇后大道西的麥蛋糕，順便買咗半個抹茶紅豆蛋糕，今晚路過看見橱窗的蛋糕賣相不錯，突然聽到店內傳出錄音聲帶，說店中的各款蛋糕由三十蚊一盒起，差不多只是正價的一半！ 立刻走入去看看，我揀選了$35的全個低糖核桃黑糖蛋糕，除了特價外，買整個蛋糕還有精美紙盒包裝，更加抵上加抵。 晚上立即切兩件出來享用，核桃味跟黑糖味都很顯著，味道濃沃而且鬆脆的核桃碎更加增強蛋糕鬆軟的口感，蛋糕用黑糖製作不過甜比較健康，整體味道很好，傍晚時段又有接近半價的大優惠，日後會試埋其它口味。#麥蛋糕MCake#現烤古早味蛋糕

古早蛋糕曾經風靡一時，一區起碼有2-3間同類型鋪頭，不過而家都汰弱留強，淨返啲真係好食既古早蛋糕店😗麥蛋糕有幾間分店，今次試左西營盤店，次次見到玻璃窗內店員切緊新鮮出爐既蛋糕都好吸引🤤🤤🤤🤤而且可以選擇一盒或者半盒咁買，如果屋企少人食，半盒就好好喇，唔洗夾硬食晒成盒🙈流心芝士蛋糕 （半盒$38）蛋糕口感偏濕潤，蛋香十足，食落軟綿綿👍🏻👍🏻芝士唔算流心🫣份量較少，連埋蛋糕一齊食會食到少少少少咸香，想要拉絲/好濃郁芝士既朋友可能會有少少失望🙈不過以蛋糕質感黎講，係幾好食，同好飽肚😂蛋量十足，食半盒既1/4已經好飽，好彩買左半盒姐🤣🤣

流心芝士蛋糕！好耐冇食古早味蛋糕喇！之前食過黑糖味，蛋糕口感鬆軟，感覺好原始。今次一於試下流心芝士蛋糕口味，見到有介紹芝士有拉絲效果，真係非常之吸引。因為想趁新鮮食，所以剩係買半份$38，如果有一大班人share，建議可以買一份$70比較抵食。流心芝士蛋糕(半份)$38- 蛋糕口感濕潤，充滿雞蛋香味，芝士味道鹹香，同甜甜嘅蛋糕交織配合，芝士有流心感覺，唔會硬左一舊舊，口感幾好。如果用微波爐翻熱，流心效果應該會更加突出。整體蛋糕唔錯，定價偏高，可以一試芝士口味，比較特別。

大佬經常喺呢度買古早味流心芝士蛋糕返屋企俾我食，食過真係會令人番尋味。尋日佢又帶咗兩件流心芝士蛋糕俾我，好開心。雖然唔係熱辣辣，但係每一啖都食到香濃雞蛋味、牛奶同牛油味，口感細膩、軟滑、綿密，食落又唔會太甜。蛋糕鬆軟得嚟質感重，唔會好似食空氣咁，而且濕軟得嚟仲好有彈性，蛋糕中層充滿流心芝士醬，芝士醬唔會過膩，咸咸香香，一咬落去會有爆芝士醬嘅感覺，真係同蛋糕非常匹配，重點嘅係芝士流心喺凍咗嘅情況下，都有少少拉拉哋絲嘅效果。不能不提，蛋糕嘅焦香糕面都好好食，真係食落有焦糖味。

嗰日去開西環，行行吓發現有間古早味蛋糕，剛剛又到出爐時間所以決定買返件返去試。餐廳位於西營盤地鐵站附近地點非常方便。剛剛出爐嘅古早味蛋糕，熱辣辣軟林林，非常好味。

“古早味”其實即”懷念的味道”，係用以前嘅製作方法，一代傳一代，不過現時大多店舖都稱古早味，來表現傳統風格同人情味。𓂂👍🏼我未食過真正嘅古早味係咩味🤣所以compare唔到🙈不過蛋糕黎講就不過不失!! 軟身，軟綿綿🥰兩件都有少許嘅”流心”，其實只係中間夾左一層醬，不過我只係行過俾佢櫥窗切蛋糕吸引左，都估佢唔到會有驚喜，真係有啲流心冇呃人。(唔會話俾你知我寫緊呢個post嘅時候忍唔住食左件😳)𓂂—————▫️流心芝士蛋糕 / 38(半盒)🤎🤎🤎🤎🤍𓂂▫️朱古力蛋糕/ 33(半盒)🤎🤎🤎🤍🤍𓂂—————

👏🏻來自台灣的味道古早味道蛋糕，軟棉棉，不太甜，雞蛋🥚味十足😋😋香氣撲鼻，yummy 😊M.Cake 有分店架記得上OpenRice 揾間你方便嘅店試試，大人細路都食得^_^買去户外，野餐一流^_^ 又可以加熱，今次買番屋企試下熱食先🥰🥰🥰

話說近嚟好興古早味蛋糕，開到周圍都係，香港嘅熱潮就係咁。我最印象深刻嘅古早味蛋糕就係喺台北淡水，兩次經過都排哂隊，仲要係本地人，但太多人所以我一直都未試過🙁。之前我已經喺香港其他舖頭食過，我自己就幾鐘意，因為味道簡單，就係有濃郁嘅蛋味🥚，唔太甜，口感鬆軟。年初三喺西環行大運，竟然見到有間舖頭燈光花著，個名叫做「麥蛋糕」，我哋即刻行埋去睇下。其實之前都好似知道有新舖開，但多數都掂行掂過無細心留意。正正因為新年佢都有開，所以我哋就幫襯左喇😜。鋪頭好光猛，從透明大玻璃可以望到幾嚿大蛋糕🎂。呢到都係賣古早味蛋糕，個牌就寫住有六款口味，分別係古早原味、古早黑糖、流心芝士、🍵抹茶紅豆、🍫巧克力同埋芝士蛋糕。但我目測得原味同黑糖味，另外就有張紙仔寫住流心芝士蛋糕嘅新鮮出爐時間係五點三。呢到有得試食，現有嗰兩款我都試哂。原味普普通通、無乜特別；黑糖味個面就有啲芝麻，但食落黑糖味好淡，比起原味更一般😟。因此我哋決定行個圈等多等，等到五點三試下芝士味。五點四去到流心芝士蛋糕已經出咗場，我哋即刻買返嚿，女店員拎起長長嘅麵包刀好精準咁一分為二😂。題外話，隔離本身嗰兩嚿大蛋糕好似無乜郁過...🙊。小店最好嘅一樣

今天去西環買東西，路經此店，被刚出爐的蛋糕氣味吸引，一大盆的蛋糕看着好可口，於是加入排隊隊伍。但只有两種味道，想要其他口味，要继续等出爐。只好買了芝士味回家。味道不過不失，但沒驚喜。店子只有一位師傅切蛋糕和入盒，所以需要時間等等等。還有師傅切蛋糕没有準則的，好運氣的可以買到滿滿一盒蛋糕，運氣差點的蛋糕只佔盒子3/4而已，虽然给的是同一價錢。

很早前已經試過古早味蛋糕， 感覺是試話就算。 今天經過西營盤正街口， 見到當日新開業的  即刻上前去八下， 站在玻璃窗外看到兩盤蛋糕， 分別是原味和朱古力味。 店子很窩心， 設有試食比客人試味， 所謂真金不怕洪爐火， 絕對是信心表現。 試了各一， 是雞蛋味挻濃香；軟棉棉口感。而六款蛋糕會不時推出， 我只是順口一問店員何時有   她說: 你可以預付， 下午出爐時隨時來取。 即時付了$30， 支持小店買半個試試，幾個小時後到取。 再到店時蛋糕已預備好， 拎上手還暖的，蛋糕外包上紙可以吸收倒汗水， 睇真啲可惜蛋糕面無左一怱， 嚴重影響賣相。 返到屋企即試， 聞到雞蛋香、質感棉密、入口濕潤富彈性， 不會像空氣蛋糕似食左一陣風， 半個當一餐都頂得下肚。 抹茶咁唔算太濃， 反而雞蛋香真突出， 但紅豆就小得可憐，整體味道都唔錯， $30  有點貴。