Video
Read full review
2013-09-15
56 views
相約住在大角咀既摯友晚飯，上嚟揾食店時發現蠻多正評既 Bene Pizza + Pasta，由於我好愛鹹香既 Parma Ham，而就甜品方面既評語也不錯，於是就提議到此開餐，好友也相信我的意見，於是馬上致電訂位，我已於一星期前訂枱，但7點左右既 booking 已 full，得番6點同8點半後既枱，我呢啲番工遲到局晏收既人就梗係揀後者啦！一心諗住朋友放早可先來攞位，早到早入既歌仔原來唔啱唱，因為呢度地方好細，真係要堅等上一輪食客埋單離開後先可入座。如是者我地就算8點半報到，都要等多5至10分鐘呢！店裝修確係唔錯，之前人家既食評都有提過，我唔多講，放左兩張相喺度for 參考啦！餐牌好簡約，有前菜數款﹑湯三款左右﹑意粉﹑薄餅﹑主菜(扒類才算喎？)﹑甜品6﹑7款左右同幾多飲品供選擇，研究完一輪，我地終於可以落單。飲品：荔枝生薑香茅七喜特飲賣相唔錯既飲品，朋友小孩說薑味好重，我自己本身幾愛薑茶的，如果唔係要留肚吃甜品，我都會點一杯。湯：意大利雜菜湯這個老公點的，一般雜菜湯都係紅色，好似羅宋湯咁，但這個竟然係我好愛既綠色，(我只愛其顏色，我唔飲架！)似綠豆湯多啲喎，跟三條餅乾條同吃，幾特別。入
店裝修確係唔錯，之前人家既食評都有提過，我唔多講，放左兩張相喺度for 參考啦！餐牌好簡約，有前菜數款﹑湯三款左右﹑意粉﹑薄餅﹑主菜(扒類才算喎？)﹑甜品6﹑7款左右同幾多飲品供選擇，研究完一輪，我地終於可以落單。
飲品：荔枝生薑香茅七喜特飲
賣相唔錯既飲品，朋友小孩說薑味好重，我自己本身幾愛薑茶的，如果唔係要留肚吃甜品，我都會點一杯。
湯：意大利雜菜湯
這個老公點的，一般雜菜湯都係紅色，好似羅宋湯咁，但這個竟然係我好愛既綠色，(我只愛其顏色，我唔飲架！)似綠豆湯多啲喎，跟三條餅乾條同吃，幾特別。入面都好足料，但冇研究蕃茄粒以外還有什麼，味道反而好淡，老公加了黑胡椒都不能提味，唔得！
前菜：
炸薯條配黑松露蛋黃醬- 枱枱必點咁滯，薯條用料好像係好野，炸得好好，熱辣辣好香口，加埋個蛋黃醬無得頂，可能唔係自隊，平時係醬怪既我竟然食哂薯條都仲有醬剩。前幾篇食評既食家都話唔夠醬，睇嚟我並唔算係超級醬怪呢！
精選冷盤- 包括有 Parma Ham ﹑ Salami﹑哈蜜瓜﹑意式蕃茄香蒜包﹑醃菜同橄欖，其實仲有一件菇菇包，同埋亮點唔知乜野芝士，佢之所以係亮點並唔係因為好味，而係其賣相好像雪糕，上面既黑醋汁猶如朱古力醬，幾得意，整體食味嘛... 如果可以將嗰兩件包換埋凍肉就更好了！
意粉：
豬肉腸蘑菇蝴蝶粉- 小朋友點的，佢地話好味！咁就夠啦！
欖油蜆肉扁意粉- 唔知幾多年前我愛上橄欖油炒意粉，所以成日都會點這個，不過呢間做得麻麻地，有點過鹹，唔夠香，蜆亦有砂，沒想像中好呀！
薄餅：芝麻菜火腿芝士薄餅
這是全晚最好吃，也是枱枱必點既薄餅，火腿好好味，同個芝麻菜OK夾，可惜芝士唔夠多，近批邊一大部份都欠芝士又冇醬，乾哽，連小朋友都食得出...都嫌棄，我諗可以再做好啲的！
甜品：我本來有點期待，一來飽，二來冇乜得揀，但點都想完美一番，所以還是點了。
香蕉朱古力脆脆- 小女孩點的，賣相其實唔錯，不過太多忌廉，連小女孩也嫌棄，老實講，印象要成48蚊杯，俾雪糕都OK啦！
芒果三層批- 我鐘意食芒果，但這個賣相唔錯既三層批完全唔得，雪糕食得出是雀巢或阿波羅貨色，芒果粒酸，最差係塊酥皮，有油膉味呀！
整體嚟講呢，以佢既質素，我認為應收平啲，最好味既都係炸薯條同個火腿薄餅，這裡係可以一試既意菜，但唔好抱太大期望，否則你會失望而回。又... 你唔鐘意等既話，可以去其他餐廳... 佢並唔係值得讓你久等開飯既地方，大角咀喎，你邊怕冇地方開飯呀！
Post
