龍鳳冰室 (Closed)

今日去到灣仔，食飯時間到處都好多人。朋友之前食過龍鳳冰室，覺得幾好味，而我又未食過，想去試下，於是就揀左黎間餐廳食午餐。餐廳裏面嘅裝修很有特色，以懷舊風味為主，環境尚算整潔，但坐位較迫，坐得唔太舒服。我叫咗個招牌菜，炭燒肉鬆雞扒意粉，大大塊嘅雞扒煎到好香，唔會太乾，配埋肉鬆再加蜜糖，第一次試呢個組合，味道不錯，旁邊仲有好嫩滑嘅炒蛋同粟米，份量十足，加埋杯熱檸水，埋單$58，係灣仔區都算價錢合理，可以一試。