新光燒鵝餐室 (Closed)

心血來潮好想食燒鵝，上網搵推薦。放工就過咗黎柴灣搵棋哥。呢間新光都係棋哥嘅(我估)，因為 Openrice 放埋一齊，同埋有棋哥燒鵝。我叫左棋哥燒鵝(少飯)，老公就叫咗熏蹄飯。燒鵝係出色嘅，皮係脆，係堅脆。就咁睇相都可以見色澤係靚嘅。我叫少飯，都食唔哂個飯熏蹄都ok，肉同肥膏唔會分離。老公話佢啲欖菜好食喎！呢度食物雖然未至於好食到飛起，但係都算唔錯。有時想簡單食個燒味飯，都可以一試。兩個人食，一百蚊剛好有找。