河畔強記雞粥海鮮酒家 (Closed)

平時都會同屋企人黎呢度食晚餐，今晚同屋企人叫左個晚飯超值孖寶套餐同羊腩煲，感覺無平時咁好食。晚飯超值孖寶套餐- 金蒜蒸元貝個元貝蒸到過哂火，蒜味唔突出，可以講係唔好食。晚飯超值孖寶套餐- 魚湯魚肚浸菜苗魚肚偏硬，成個餸屬於好啖口既味道，幸好我地嗌左羊腩煲，將佢地放入去煲之後都幾好食。羊腩煲天氣開始轉涼，屋企人想試下呢度既羊腩煲。一個羊腩煲要2百幾蚊，真心覺得有啲貴。不過個煲黎到見到入面好足料，羊腩份量好足夠，而且配菜亦不少，加上湯汁味濃，再配一份生菜感覺岩岩好。