茶園

Open Now

Now Closed

Item: Tiffin
Rating: 5
Author: bobochow_

Tiffin

785 Reviews

Taste

Decor

Service

Hygiene

Value

39151

Wan Chai

$401-800

Western Buffet Hotel Restaurant Food Wise Eateries

493

146

Info:
Restaurant:	Tiffin

To encourage eatery outlets to reduce food waste at source together with customers through offering portioned meals and adopting food waste reduction measures, the Environmental Protection Department has launched the “Food Wise Eateries” Scheme. Participants will be awarded with a Food Wise Eateries (FWE) accreditation status if they comply with the assessment criteria and will be granted with the FWE Logo and Stickers for displaying in the premises and their promotion for public identification. Applications are accepted all year round and are FREE of charge.

For details, please click here, https://www.wastereduction.gov.hk/zh-hk/waste-reduction-programme/food-wise-hong-kong-campaign

bobochow_

Level4

1.2K

呢間酒店自助餐堪稱全港第一☝🏻但我就對佢個港女三層架Tea Set更有興趣💕最正係‼️仲可以任食甜品吧🤩呢個價錢抵到爛真係可以飽足一日🤰🏻.📌Afternoon Tea $368/1酒店質素最重點係睇Scone😌除左有原味之外仲有冧酒提子味🍇原味嘅口感比較鬆脆外面脆脆地入面就好鬆軟😍不過牛油味唔濃重麵粉同蛋香幾輕盈🧈冧酒提子味好特別入面仲有啲提子乾個味酸酸甜甜口感就比較濕潤同淋身🤓除左配clotted cream同士多啤梨果醬仲有檸檬忌廉🥳檸檬忌廉勁開胃食晒兩個scone都完全唔會好漏🍋.📌鹹點最鍾意係煙三文魚南瓜quiche🎃脆脆撻皮包住煙三文魚quiche 再加埋面頭鮮甜嘅南瓜蓉調味唔係好濃唔錯😝鮮蝦紅椒酥皮盒個酥皮都好脆但係冇牛油味入面有幾隻蝦仁再撈cocktail醬😆蝦仁幾爽口 cocktail味道就唔出🍸 自家製鵝肝慕絲撻幾特別鵝肝味好濃郁打到好似cream咁軟滑🦢面頭仲有啲石榴啫喱酸酸地又幾夾😌煙火雞蔓越莓布里芝士卷就太濃味勁鹹我就麻麻地🥺煙燻牛肉及意式肉腸芝士三文治就正常發揮🥪.📌甜品全部賣相都好精緻🥳最鍾意係菠蘿椰子青檸泡芙🥰原

Read full review

呢間酒店自助餐堪稱全港第一☝🏻但我就對佢個港女三層架Tea Set更有興趣💕最正係‼️仲可以任食甜品吧🤩呢個價錢抵到爛真係可以飽足一日🤰🏻

.
📌Afternoon Tea $368/1
酒店質素最重點係睇Scone😌除左有原味之外仲有冧酒提子味🍇原味嘅口感比較鬆脆外面脆脆地入面就好鬆軟😍不過牛油味唔濃重麵粉同蛋香幾輕盈🧈冧酒提子味好特別入面仲有啲提子乾個味酸酸甜甜口感就比較濕潤同淋身🤓除左配clotted cream同士多啤梨果醬仲有檸檬忌廉🥳檸檬忌廉勁開胃食晒兩個scone都完全唔會好漏🍋

.
📌鹹點
最鍾意係煙三文魚南瓜quiche🎃脆脆撻皮包住煙三文魚quiche 再加埋面頭鮮甜嘅南瓜蓉調味唔係好濃唔錯😝鮮蝦紅椒酥皮盒個酥皮都好脆但係冇牛油味入面有幾隻蝦仁再撈cocktail醬😆蝦仁幾爽口 cocktail味道就唔出🍸 自家製鵝肝慕絲撻幾特別鵝肝味好濃郁打到好似cream咁軟滑🦢面頭仲有啲石榴啫喱酸酸地又幾夾😌煙火雞蔓越莓布里芝士卷就太濃味勁鹹我就麻麻地🥺煙燻牛肉及意式肉腸芝士三文治就正常發揮🥪

.
📌甜品
全部賣相都好精緻🥳最鍾意係菠蘿椰子青檸泡芙🥰原本以為面頭係cream 點知有驚喜佢係酸酸甜甜嘅cream包住菠蘿蓉🤤個花花朱古力係青檸味😍下面個泡芙超脆入面包住椰子忌崩再夾住菠蘿粒🥥成個超正🤩招牌朱古力撻都唔錯係濃苦嘅可可味唔會好甜🍫面頭粒ganache好軟滑撻皮同個餡都好苦澀🤎車厘子慕絲蛋糕再加埋車厘子醬食落比較酸仲有陣酒嘅苦味我就麻麻地🙈香梨杏仁蛋糕就普通正常唔會話好甜中間嘅梨肉都清甜爽脆😛

.
📌餐飲
揀左organic Pear Green Tea 同 Americano😎個綠茶真係好濃梨香味好特別可以一試🍐

Organic Pear Green Tea

.
講完佢個三層架就到佢嘅自助甜品吧🤩有即叫即整窩夫同crepes, 十款自家製雪糕, 馬卡龍, 松露朱古力同水果💕真係食出面嘅野都飽晒🤣佢最特別係可以打包所以驚試唔到可以打包個三層架😎不過我地嗰日食晒個架都仲可以試晒啲野😌
.
自家製雪糕真係必食🍦雖然有啲款式好常見但同出面嘅味道真係唔同😚
傳統薑餅鍾意肉桂嘅必試超濃😆
鹹蛋肉鬆完全就係食緊雪凍左嘅鹹蛋肉鬆鹹香味十足仲有啲肉鬆喺入面好特別朋友勁鍾意🥳
士多啤梨芝士蛋糕係偏酸嘅士多啤梨味奶味唔重仲有啲芝士蛋糕粒🍓
蜂巢味就係蜜糖雪糕食得出係蜂蜜嘅清甜味唔係砂糖嘅甜🍯
瑞士朱古力都係偏濃苦唔甜好食仲有好多朱古力脆片🍫
大溪地雲尼拿同出面食到嘅vanilla唔同味道香甜啲😋
冧酒提子就比較甜冇乜冧酒味🍇
除左雪糕仲有雪葩: 紅桑子, 紅茶雜莓, 香梨頭兩款味道幾似都係好酸香梨就清甜啲三款都好清新開胃食飽再食都冇問題😌另外仲有啲配料可以加上去: 焗杏仁片, 朱古力片, 朱古力彩針, 棉花糖, 窩夫筒😝

.
窩夫同班戟都係即叫即整🧇個人認為窩夫可以唔試雖然佢口感好正真係外脆內軟但個蛋味唔重同埋食完好快飽唔好晒quota🤔
呢到個橙酒pancake好出名🍊戟皮索晒啲橙酒食落有橙嘅酸味又有酒嘅苦味😛不過好淋唔係我鍾意嘅口感🥺所以另外叫staff整多塊原味脆卜卜夠蛋香😋佢仲有楓糖漿, 朱古力醬, 花生醬, 芒果熱情果醬, 紅桑莓醬, 雲尼拿醬, 煉奶可以淋喺面😚