Video
Read full review
2013-12-12
5527 views
不嬲鐘意食浙菜, 睇完蘇師傅個節目即刻book位用左openrice網上book位個system, 好方便, 不過book完無耐餐廳打黎話我book果日有人擺酒包左場, 要改第2日, 第日呢d info應該要搵方法show係book位個system度好d兩個人去, 本來想坐窗邊卡位睇夜景, 不過有min charge $380/位, waiter力sell $380/位0既套餐, 不過唔想食套餐, 散嗌又唔知食唔食到咁多野, 所以最後都無坐到。海景位睇落幾正, 不過中間0岩0岩好俾半島擋住左, 要坐的話記得叫餐廳安排坐頭尾兩邊 (如果得的話...)餐廳勁有情調, 成場只係得d射燈, 好暗, 暗到我媽媽睇唔到menu, 同老人家去食晚飯的話最好download定個電筒app, 個人覺得食中菜唔需要咁有情調waiter sell 唔到套餐就轉sell其他野, 一輪咀係咁講, 都幾搔擾最後叫左4樣野:1. 火瞳水餃老鴨湯半份 $178 - 成餐最好味係呢樣, 好似有d花椒八角0既味道, 仲有少少薑絲, 所以一D鴨膻味都無。半份一人都飲到兩碗湯, total有4粒水餃, 水餃有韭菜, 我個人唔
用左openrice網上book位個system, 好方便, 不過book完無耐餐廳打黎話我book果日有人擺酒包左場, 要改第2日, 第日呢d info應該要搵方法show係book位個system度好d
兩個人去, 本來想坐窗邊卡位睇夜景, 不過有min charge $380/位, waiter力sell $380/位0既套餐, 不過唔想食套餐, 散嗌又唔知食唔食到咁多野, 所以最後都無坐到。海景位睇落幾正, 不過中間0岩0岩好俾半島擋住左, 要坐的話記得叫餐廳安排坐頭尾兩邊 (如果得的話...)
餐廳勁有情調, 成場只係得d射燈, 好暗, 暗到我媽媽睇唔到menu, 同老人家去食晚飯的話最好download定個電筒app, 個人覺得食中菜唔需要咁有情調
waiter sell 唔到套餐就轉sell其他野, 一輪咀係咁講, 都幾搔擾
最後叫左4樣野:
1. 火瞳水餃老鴨湯半份 $178
- 成餐最好味係呢樣, 好似有d花椒八角0既味道, 仲有少少薑絲, 所以一D鴨膻味都無。半份一人都飲到兩碗湯, total有4粒水餃, 水餃有韭菜, 我個人唔多鐘意。Waiter筆返D湯渣俾我地, 足有半隻鴨, 同埋隻鴨都好多肉, 仲有油豆腐同鮮筍, D筍好嫩, 正! 但係返到屋企好口渴, 希望唔係放左味精啦...
2. 紹興糟香雞半隻 (冷盤) $148
- 味OK, 酒味都入到雞肉, 不過偏鹹同D雞肉都幾"鞋", 可唔食
3. 野菜黃魚卷6件 $96
- 新鮮熱辣炸出黎, 非常鬆脆, 亦食到黃魚鮮味, 值得一試
4. 脆皮熏魚 $108
- 又係炸, 好脆口, 個汁都調得唔錯, 甜甜酸酸有D似薑醋0既味道。但係因為切得太大件0既關係, 咬完一啖之後入面仲有好大範圍點唔到D汁, 所以食到少少腥味, overall黎講都唔錯0既, 鐘意食熏魚0既可以試下
+茗茶 $12/位 x2
+餐前小食 $12/碟 x2
(餐前小食有花生, 花生上面有D糖粉, 甜甜地幾特別, 另一碟係毛豆, 個毛豆幾好食)
Total折左係 $581 (有幾張credit card都有10% off)
食完餐飯整體感覺唔錯, 裝修幾靚又新淨, D餐具佈置睇得出都花過心思, 食物味道中規中矩 (個湯算中上), 食物份量好足, 上菜速度適中。如果第日諗唔到食咩都應該會再黎。
唯一唔好係D service, 唔係無禮貌, 不過有D hard sell, 同埋好似唔夠pro。大部份waiter都好後生, 可能經驗唔夠, 講野語氣又有D輕挑 (有兩個年紀大D 0既就好好多啦)。樓面人手見到都唔少, 但係D野就做唔切, 埋張單都得10幾分鐘。經理(我估佢係)都係個hand free度話D同事手腳慢, 但係講得太大聲, 我個人覺得呢D說話唔應該俾客聽到...
Post