泰尚泰國菜館

Open Now

Now Closed

去完海洋公園玩咗成日，突然記起堅尼地城有一間泰國餐廳之前食過都幾好食，所以就專登去再食多一次。今次叫咗個南瓜焗飯， 瀑布牛肉, 炸蝦餅, 同埋泰式炒通菜。味道都算唔錯，尤其係個炸蝦餅，新鮮炸，一碟有四大舊都幾抵食。 泰式炒通菜，都幾惹味 ，不過最驚喜都係個南瓜焗飯，開頭食嘅時候覺得好似清清淡淡無咩味。但係食到下面嘅時候加埋啲南瓜肉一齊食就覺得幾清新。 相反，原先好期待嘅瀑布馣牛肉，本身係有少少辣味嘅而味道都唔錯, 但係啲牛肉太老喇,應該係炒得太耐｡ 唯一一個唔推薦嘅，就係呢一碟餸，其他都還可以。至於服務質素佢都ok嘅，間鋪頭細細地，不過坐落都唔太差，環境都可以。係枱與枱之間距離太近 ，傾計唔太方便。