Cafe Fabulous

Open Now

Now Closed

想去旺角靜靜地搵個地方同朋友傾吓計，就隨便揀咗一間樓上Cafe。入去見到環境好闊落，可能因為下午茶時間，成間餐廳冇乜人，靜靜地感覺幾好，餐廳嘅裝修都舒服，播着音樂。叫咗全日早餐，同埋法式焦糖燉蛋，全日早餐由於冇晒茄汁豆，所以侍應特別話加多少少蘑菇俾我作補償，侍應都幾有禮貌，一舉手都好快黎問我有咩需要。野食係即叫即整既，上菜見到好大份，有一條司華力腸，兩隻炒蛋，三份煙三文魚，兩塊煙肉，兩塊多士，同埋半個烤番茄，烤蕃茄用咗胡椒同埋蒜蓉烤，食落幾濃味，如果鍾意濃味嘅人應該會幾鍾意。炒蛋好嫩滑，配蒜蓉多士同埋煙肉一齊食好夾，煙三文魚好大塊，配蘑菇同埋炒蛋一齊食又幾好味，蘑菇炒得好香，唔會炒得好乾。仲叫咗個焦糖燉蛋，焦糖燒到香脆，鋪喺燉蛋上面，用匙羹食會食到一啖脆焦糖同溫暖既燉蛋，食落唔會太甜，適合鍾意食中等甜度既人，不過個人鍾意燉蛋做得熱辣辣啲。下午茶來講，兩個人食算足夠，一個人食就食唔晒，大概$150到，可以俾你靜靜地同朋友傾計，而且任坐，有電視睇，個人認為不錯。👍