二把手

Open Now

Now Closed

日常生活壓力大，去揾間好既餐廳，坐低享受下美食，小酌兩三杯，比自己一個叉足電既機會。旺角二把手串燒位於繁忙既彌敦道，有落地大玻璃既設計，店面裝修傳統日式居酒屋風格，加上微微昏黃既燈光，輕輕帶過既音樂，完全將煩悶拋諸腦後，好好享受當下。坐低後，店員細心介紹order紙需要注意事項，先嘆杯whiskey soda，再睇食咩。串燒種類繁多，$10串既要兩串起，肉類、蔬菜、刺身、壽司款式足夠任你選擇。當中最得我歡心既係特色組合牛橫隔肌，每次去必點！三種囗味分別係蜜糖芥末,蒜香牛油, 柚子椒鹽。上菜牛香撲鼻，加上惹味醬汁，燒得微微焦香，入口牛味濃，略有咬口，一串接一串停吾到囗。第二推介係燒汁豚肉蠔串，$30串，燒得剛剛好，咬落依然充滿肉汁，係鮮甜既味道，加上少許燒汁既點綴，一口一隻，正！其中不乏大眾化價錢且高水準既出品，煙肉車厘茄…汁燒冬菇…西班牙護心肉…汁燒帶子…等等。總括而言，環境舒適，服務ok，串燒上枱熱辣辣，酒水半價，一個星期出去一次chill下，暫時將生活節奏放慢，哩間日式居酒屋都係一個吾錯既選擇。