二把手

Open Now

Now Closed

我真係冇寫過食評不過食完之後成肚氣 好想同大家分享下就係睇咗IG foodie嘅廣告諗住過去試下就打電話去訂位 因為就咁喺Google度打二把手 之前冇幫襯過 唔知道佢有兩間分店 打到過去店員接聽電話態度已經麻麻哋 唔知做咩好似好趕住收線咁 我就話想訂星期五夜晚7:30 4位 佢就同我講餐廳行緊兩輪制 一定要我早啲去（6:00pm)如果唔係就要8:30pm 之後先有位 聽到呢度已經覺得怪怪地 個店員就係咁想我8:30先去 我就話咁夜其實都唔太方便 擾攘咗一輪 店員就話冇問題 而家幫你留咗7:30 4位 我當時已經覺得好有問題 原來咁簡單嘅訂座問題要花咗我咁多時間 最後問吓店員叫咩名 佢話叫做肥丹去到餐廳坐低一埋嚟未落單 就已經拎咗一份小食嚟 店員就話試吓我哋嘅前菜 食住先好好食㗎 問店員使唔使錢？ 佢冇回答我。去到最尾check單先發覺原來個前菜要$18 嗰日食嘅係菠菜同埋蕃茄 認真啲菠菜真係可能整起咗幾日 完全已經冇晒菜嘅質地 勁淋又黑 蕃茄就全部出晒水 應該放喺雪櫃裏面壓過嚟已經唔係其他居酒屋嘅模樣Foodie推介嘅牛舌套餐餐真係把鬼雖然睇落係粉嫩 不過真係好韌啊同行嘅朋友完全食唔

IG見foodie介紹所以嚟試下，幫大家試完伏，環境細但幾好mood裝修日式西餐feel，侍應超級好收碟快又有笑容，唔同其他食評，出菜係好快，但快到爆枱，唔知廚房急咩(8pm)。一坐低就會跟上兩兜仔前菜學日本強制消費，但個前菜竟然係泡菜😂 酒水半價純粹噱頭，唔係特别平，但成杯都係冰一啖就飲完(可能大酒抵但我唔識)。$199個餐寫係寫1-2人餐但一個肚餓小小嘅女仔自己都食得哂，啲野又得一碗仔唔知兩個人點分，湯同麵一人一啖嗎，taco一舊又點分😂。頭盤揀咗三文魚Carpaccio，原先係一種酸味+生肉組合嘅意大利開胃菜，但佢呢碟野完全同carpaccio無關係仲好九唔搭八，用蒜蓉牛油配三文魚魚生同青瓜絲，唔難食嘅但只可以用怪黎形容，開唔到胃😂日式taco只係紫菜夾住料同飯，但無提一上就要食紫菜好快淋咗，鵝肝唔夠香仲畀燒汁搶哂味。魚湯同蠔串怕腥唔好揀，無特别。串燒即燒上到枱温度啱啱好，但呢個價錢有更好食的選擇，孜然五花肉好重手咸到pk，豚肉鵪鶉蛋配薑味燒汁好怪，其他無調味串燒不過不失。羊架值得讚，夠騷，肉質剛好，唔會死咸。厚切牛舌都係，肉味濃，彈牙唔韌，好食。Order咗199餐同散叫串燒同

要食建議直接散嗌串燒。1-2人餐，周年優惠要參考多D其他評論。1-2人餐$198，menu有前菜，湯，串燒x4，烏冬/飯，甜品。只要有質素，份量少就唔會係問題。湯同飯都只有一細碗，”2人”的話有少少難一齊去食。應該有更好既做法，分兩細細碗？否則可能有人會覺得少不便。 周年優惠有其他留言評個牛舌芯似橡筋，唔似橡筋，但該晚感覺都少難𡁻。食完1-“2人”餐 + 周年優惠未夠喉，再散嗌$600左右落樓。感覺散嗌相對性價相對較高少少，質素相對比較高少少。好食：玉子燒，雞軟骨。唔推雞腎，牛舌芯，同其他評論同感，自己睇。好處：星期六日其他串燒鋪，唔預約相對難有位置。“二把手” ，相對易有位置，位訂無咁困難感覺唔到服務有咩問題，有service有態度。無咩hard feeling。下次可能要Openrice睇多少少食評

網上寫11點閂門，我哋9:45到，入座個陣店員冇提到佢哋10:30就閂，淨係問我哋幾多位。一開始店員好簡略咁樣介紹餐牌，各種set各種食飯係點樣選擇，然後坐低冇5分鐘就開始係咁催我地，追住話廚房要截單啦要我地快啲落單。問題係入座嘅時候佢都冇提到我哋咁急，如果知道咁急嘅話我唔會入黎食。咁都算啦…叫完嘢食，心諗1-2人套餐應該每樣嘢都有兩份，點知個份量同普通日式餐廳嘅單人定食份量差唔多，甚至再少啲。而且店員極度冇禮貌，所謂嘅二人餐有一碗好細嘅魚湯，勁腥臭同埋唔夠鹹，諗住落啲鹽可以辟下浸腥味，想同佢反映好似冇乜味道，佢好懶醒咁樣講：碗湯得一碗㗎咋。擺到明應該好多人見到出餐個份量都會問過呢個問題😂（其實我知道碗湯係得一碗只係我冇prefer到細碗成咁），我再重申多次問佢：碗湯冇咩味，會唔會係冇落到鹽，佢就答我：「我唔知喎，都冇試過」，我唔係問你感想😂你直接攞鹽比我好過講廢話。食物方面，啲嘢食勁shit，魚湯好難飲，主食個份烏冬份量都超細，調味有啲淡同奇怪，另外加嗰份燒牛舌，好似食緊香口膠咁，咬極都咬唔爛，食到我勁想嘔，跟個個黃芥末嗰陣甜味又唔知想點。btw 我哋兩條友叫咗一份二人餐再另外加多咗

之前睇社交媒體網站見到呢間都有興趣去，不過比OpenRice啲評價嚇一嚇，講到好似啲服務會好差咁不過我心諗，我係嚟食嘢又唔係要咩Service，最緊要好食，其他都次要今日可能平日夜晚去食～七點左右，其實都唔係好多台客，唔知係咪因為咁，其實係好好服務，有禮貌，亦都會留意大家嘅需要，係好到你覺得應該要俾貼士嗰種咁可能人多同人少嘅服務都有分別啩咁嘢食嚟講啲串燒都幾好食～反而個帶子刺身我有驚喜到，佢今日做緊啲優惠，$99可以揀一種牛料理同埋刺身，個帶子真係大大粒粒又juicy其他嘢我覺得都正常表現嘅純粹想嚟平反返服務質素嗰part啫

落完order後， 個男侍應會行埋嚟，放低一碟前菜講：「試吓我地前菜，好食架」前菜係一碟蕃茄加秋葵，但賣單果陣竟然係要收$18， 但事前從來無講清楚前菜要收費， menu都無寫明，唔講以為去左酒樓飲茶咁，放碟花生係台就收前你$20。食物叫左 菇*2 ，牛舌*1 ，牛肉*1，護心肉*2 ，同雞皮*2 ， 2杯啤 ，收費：$380食物質素係好一般， 牛舌好un, 護心肉係梅， 串牛係鞋，冬菇同雞皮係正常，無特色可言，呢個價錢係旺角附近有更好選擇，幫襯前三思。

係社交媒體網站見到有foodie reels介紹依間串燒店，諗住開開心心同朋友gathering，點知中晒伏，食到一肚氣。依間餐廳食物質素正常不過不失，但價錢貴，$12-22串燒一定要嗌兩串起。無水提供，飲酒價錢還好，但非酒精類勁貴，水/可樂都要30幾蚊。店員態度串串貢，老實不客氣。有啲串燒款式一定要叫兩串起，聽到有其他食客問一串有幾多舊，店員居然答：「我唔知你問緊乜。」😮然後食緊野嘅時候不停急住收走啲碟，明明未食完都擅自將幾碟野嘅野食grp埋一碟，好disturbing。朋友想要個吉杯，店員聽唔明問咗幾次然後仲要話：「你講緊乜，咩吉杯，空杯呀？」真係無言。😶‍🌫️😶🫥另外店舖衛生都好唔開胃，見到啲店員會一隻手戴手套，另一隻唔戴。不論上菜、收碟、倒野飲、收錢都係同一隻手套。🤮🦠🧤點餐紙上寫明用餐時間2小時，結果我地食咗1.5小時就比店員話夠鐘交枱，要我地埋單走人。不過我地本身都唔打算再嗌野食，食得好唔舒服，都想快啲閃人。😮‍💨🏃🏻💨上openrice睇返啲食評發現原來都有其他人話餐廳服務態度差，好後悔當初無留意。依間餐廳真係永不光顧，比錢買難受！🤕😢😡

之前食過一次 今次再帶朋友嚟食 book左7:30食晚飯我7:16分到餐廳 餐廳明明未full 仲有好多位 但店員都要帶我坐位同位中間好逼嘅二人枱 問咗可唔可以轉另一張圓枱 一個店員話無得𨍭 一係你就打電話黎訂 明明我就打咗嚟訂 只係問一句有無得轉第二張枱 點解要咁嘅態度？ 我食到8點幾近9點 果張圓枱都仲未有人坐 成晚d枱又坐唔滿串燒質素都算可以 但唔好叫果d軍艦 一定會後悔 塊紫菜仲淋過紙巾 仲有佢同另一間串燒名店一樣 都係無水俾人飲架 一定局你要叫飲品如果你真係想嚟食快餐 澳牛服務態度 我支持你黎食

收左工聽朋友講呢間日式串燒餐廳好值得黎食 就決定一試 掃走個Monday blue mood😌😌😌黎到間餐廳已經覺得好有格調 枱面有燈光蠟燭嘅物體 有少少西式嘅格調食住日本嘢好chill嘅感覺😗串燒最平有$10起 但係最少嗌兩串以上 我哋今日嗌咗好多串燒 包括有雞肉牛肉拼盤、雞腎、雞軟骨、豬護心肉、豚肉包鵪鶉蛋、白鱔、銀鱈魚、紫蘇雞皮蝦個人極力推薦紫蘇雞皮蝦同銀鱈魚！真係燒得超級無敵香 個銀鱈魚嘅皮係燒到碗脆卜卜 完全忍唔到口要食晒啲皮 紫蘇雞皮蝦既雞皮都係好香好脆 配埋個蝦食，簡直係絕配除咗串燒之外，佢亦都有壽司同埋魚生食呢間餐廳最出名Taco壽司 即係出邊係脆紫菜入邊包住壽司配料果然名不虛傳 一啖咬落去好有驚喜 估唔到呢個意想不到嘅配搭又幾夾😝😝然後又嗌咗四件火炙壽司 價錢都幾平，$20到有兩件壽司 而且仲要係好高質素 買單兩個人計埋服務費，食咗五百幾蚊 絕對係物有所值

今日和一班舊朋友相聚，book了旺角這家串燒店晚餐，期間我地點了2串雞腎，有幾位朋友吃了都覺得有點問題，感覺似未熟透，有些怪味，我地通知老闆,老闆竟然說同一時間出了一批給其他客人都沒有問題，還說是我地唔啱食。老闆把果碟有問題既雞腎擺回我地枱面，但我地說真的有問題，最後佢話只能退回一串。。難道我地會因為唔啱食而退？十幾蚊的雞腎值得幾多錢？我地只係好心通知下佢。叫佢留意下啫。竟然換來咁既態度。。之後不斷清理我們枱面似是趕我地走。明明2個小時的用餐時間。吃了個半小時不到，已不斷清理枱上餐碟。最後枱上食物還未吃完。朋友的筷子也被收了。服務態度真係奇差。。一定唔會再有下次幫襯。。

原本開開心心同一班朋友敍會兼慶祝生日。但結果換來一肚氣，本身我們叫了一碟燒雞臀，但當我同幾位朋友食落口時，發覺串雞腎有異味，似是未熟透腥味，於是我們便好心同老闆反映，結果是換來老闆一句超無禮貌回覆說他們的食物是沒有問題，是不是我們有問題，結果在我們堅持下，老闆才死死地氣地不計其中一碟錢，其後，餐廳是可以食兩小時，結果只到了1小時15分鐘便有位職員同我地講last order，攪到我們一班人一頭霧水，因為我們還有45分鐘才夠鐘結帳，最後，店員可能見我哋還沒收結帳，就不斷在我們身邊穿插執枱收碟，話一陣沒有時都收拾，但我們見出面門口是沒有人等位，好明顯店員呢個舉動是想趕我地走，最後，我們為了不想再被店員不斷穿插騷擾，我們便谷住一肚氣埋單離開，呢間店舖是我人生之中食過最差服務一間，不會再有下次幫襯！

今日同朋友慶祝生日食晚飯，而且朋友感興趣來這間日本串燒食飯，所以特以來光顧。上到去，其中一位朋友已經早到了入坐，仲要問我幾多位？好似發緊夢咁.....其後，打開本餐牌，食品價錢都可以接受，但飲品超唔值，一支普通紅茶竟然$38, 一罐雀巢檸檬茶都要$36...無辨法之下，都照叫。到了食物來，還不錯，但其中一款雞腎，我幾位朋友吃了都感覺好臭，好似未熟...同老板講，竟然這無可能，覺得好似係我地問題，最後我地堅持話食物真的有問題，他先死死地氣唔計其中一條串燒的錢。明明話食兩個鐘，坐到一個鐘零15分鐘話last order. 跟住我地唔叫野食，就經常扮執枱，趕人走。這間餐廳都算是我生平中最差劣服務態度的一間。請大家自行決定幫唔幫襯，唔怪得今時今日咁多人北上消費。

日常生活壓力大，去揾間好既餐廳，坐低享受下美食，小酌兩三杯，比自己一個叉足電既機會。旺角二把手串燒位於繁忙既彌敦道，有落地大玻璃既設計，店面裝修傳統日式居酒屋風格，加上微微昏黃既燈光，輕輕帶過既音樂，完全將煩悶拋諸腦後，好好享受當下。坐低後，店員細心介紹order紙需要注意事項，先嘆杯whiskey soda，再睇食咩。串燒種類繁多，$10串既要兩串起，肉類、蔬菜、刺身、壽司款式足夠任你選擇。當中最得我歡心既係特色組合牛橫隔肌，每次去必點！三種囗味分別係蜜糖芥末,蒜香牛油, 柚子椒鹽。上菜牛香撲鼻，加上惹味醬汁，燒得微微焦香，入口牛味濃，略有咬口，一串接一串停吾到囗。第二推介係燒汁豚肉蠔串，$30串，燒得剛剛好，咬落依然充滿肉汁，係鮮甜既味道，加上少許燒汁既點綴，一口一隻，正！其中不乏大眾化價錢且高水準既出品，煙肉車厘茄…汁燒冬菇…西班牙護心肉…汁燒帶子…等等。總括而言，環境舒適，服務ok，串燒上枱熱辣辣，酒水半價，一個星期出去一次chill下，暫時將生活節奏放慢，哩間日式居酒屋都係一個吾錯既選擇。

之前上網見介紹過中環店已經好想去試，知道旺角開了分店，所以收工自己來試吓🍡哩間日式串燒係咪真係咁好食🤩餐廳裝潢充滿傳統日式居酒屋🏮座位都坐得舒適，一坐低店員都好有禮貌暢細解釋點餐注意事項，價錢$10-$20要留意，每款必點2串起。餐牌除了小食，串燒，還有丼飯，麵食及壽司刺身等。。食串燒一定要點番杯酒Sake tonic 至於食物點咗牛橫隔肌 好重牛味🐂厚切牛舌 口感好爽哩2款推薦必食海鮮有帶子豚肉蠔卷2款汁燒味道正正常常白鱔外層焦香薄脆，肉質爽彈大蝦🦐肉質好彈牙哩2款都唔錯👍推薦刺身及手卷分别點咗吞拿魚刺身鮮帶子蟹膏TacoTaco又大份外層紫菜超脆，帶子都好厚肉大粒，來到必食Taco啊😋明太子翠肉瓜食太多肉，點依個瓜就啱哂食燒波蘿最後必食🍍超級大件又夠厚，食生果又可消滯🤭

比網上$10起一串既優惠吸引左去，本身見呢啲價位都無咩期望，但求正正常常，點知反而幾有驚喜！$10/$15/$20既串燒需要兩串起叫，貴啲既就可以一串起，但個人認為呢個限制麻麻，因為平個啲可能只想食一串，強制兩串起食飽左個肚無位叫貴啲既野食。串燒都上得好快，快到咁以為翻熱，但全部都好熱辣辣好juicy，應該新鮮燒起。不過味道上覺得啲肉大部份好似無乜點醃，純粹靠面頭既醬，面頭有味入面無乜味，但好新鮮好熱已經加晒分呢度問題好少。火炙壽司，taco壽司都好食，誠意之作，無話串燒店就壽司失色。另外酒水做緊半價。雖然有平串燒同主要都食平個啲，但食食下兩個人都食左5xx，不過食得相當愉快食物都好滿意👍