三點三冰室

Open Now

Now Closed

跟餐有粟米湯同餐飲。個什扒配焗薯擺滿左喺鐵板上面，同傳統鐵板什扒一樣有司華力腸、煙肉、豬扒、雞扒，極豐富嘅畫面。旁邊配個焗薯都算係咁，配酸忌廉有香滑感。小食當中見到乳鴿，皮香，拍得住酒樓，點一點淮鹽更咸香；秘制辣雞翼個瑞士汁夠甜夠色，加左七味粉增添少少辣香。見二世祖撈丁個名幾得意，玩味得黎每樣餸都幾好味。帶子香，鮑魚有鮑魚味，冬菇入味，唔係得個玩字，都ok。飲品就飲d懷舊得意野，好似「狂牛」同紅豆奶茶。狂牛由雜果+七喜+利賓納+士多啤梨雪糕調成，奶茶中加左紅豆。有紅豆甜嘅狂牛都幾正。