日和居酒屋

Open Now

Now Closed

生日飯朋友比我任選元朗既餐廳，諗起大排檔谷友經常推薦日常居酒屋，就揀左呢間試下。店員有介紹是日推介，但落單時就好幾樣食物都係缺貨但欠註明，有啲不明所以。日和刺身盛有1客：日本海膽、4切：三文魚、油甘魚、3切：深海池魚王、赤身同埋3本：珍寶赤蝦，淨係個presentation已經令人感覺好吸引，刺身樣樣都好新鮮，反而係紫菜腍左又試埋d燒物，特大虎蝦$28隻黎講性價比係高既，食落都又甜又啖啖肉；鹽燒牛舌有三塊厚切，燒得有啲太乾，咬唔郁咁。而雞泡魚乾就預期之內好味，必須點埋蛋黃醬一齊食，有畫龍點睛之效！店內人客不多但有時未能呼喚店員落單或執拾枱面，感覺稍為唔夠勤快，希望下次光顧有改善呢。