Video
Read full review
2008-08-10
一直想試試呢間cafe，終於尋晚試左，而且覺得冇去錯。入去之前，我問左門口個職員好多野，佢都好好人咁解答，我朋友黎左，再研究左一陣個餐牌先決定入去。我叫左set dinner0既西冷扒(7成熟)，配意粉，揀左西蘭花忌廉湯，個餐都真係幾豐富，先黎個雜菜沙律，冇沙律醬，但好夠味，成碗掃清，然後黎餐湯&包，嘩~呢個湯0既顏色好似抹茶，好sharp~幾好飲，一d都唔稀，個包俾左朋友食，佢話好好食。跟住上main course，諗起都好笑，其實個waiter放低碟野之前講左句野，不過我同朋友都聽唔到佢up乜，問佢係咩，佢又講左一次同一句野，但我地依然聽唔到佢講乜，於是我叫佢放低，我睇住碟入面塊扒半吋左右厚，唔似係西冷，跟住又有兩舊炸0既野0係旁邊，越睇越唔似係我地叫0既野，於是招手叫個waiter過黎問多次係咩，今次先清楚聽到佢話係「牛肋骨」，0個兩舊係「炸生蠔」，um...之但係個menu印住係「拼生蠔」，我朋友以為係「生」架囉~anyway，試左先算...朋友其實叫左同我一樣要7成熟，不過以血紅0既程度應該只係得5、6成，同埋真係薄左dd，而我0既西冷就唔錯喇~有一吋厚架﹗仲竟然有9成熟添，
入去之前，我問左門口個職員好多野，佢都好好人咁解答，我朋友黎左，再研究左一陣個餐牌先決定入去。
我叫左set dinner0既西冷扒(7成熟)，配意粉，揀左西蘭花忌廉湯，個餐都真係幾豐富，先黎個雜菜沙律，冇沙律醬，但好夠味，成碗掃清，然後黎餐湯&包，嘩~呢個湯0既顏色好似抹茶，好sharp~幾好飲，一d都唔稀，個包俾左朋友食，佢話好好食。
跟住上main course，諗起都好笑，其實個waiter放低碟野之前講左句野，不過我同朋友都聽唔到佢up乜，問佢係咩，佢又講左一次同一句野，但我地依然聽唔到佢講乜，於是我叫佢放低，我睇住碟入面塊扒半吋左右厚，唔似係西冷，跟住又有兩舊炸0既野0係旁邊，越睇越唔似係我地叫0既野，於是招手叫個waiter過黎問多次係咩，今次先清楚聽到佢話係「牛肋骨」，0個兩舊係「炸生蠔」，um...之但係個menu印住係「拼生蠔」，我朋友以為係「生」架囉~anyway，試左先算...
朋友其實叫左同我一樣要7成熟，不過以血紅0既程度應該只係得5、6成，同埋真係薄左dd，而我0既西冷就唔錯喇~有一吋厚架﹗仲竟然有9成熟添，不過就一d都唔「鞋」，好爽啊﹗而我地都覺得d意粉係意外地好食呢~
餐飲本來想叫朱古力，但要加$15蚊咁多，梗係唔會啦，飲咖啡驚訓唔著，奶茶又唔係港式，又唔鍾意飲檸檬野，就問仲可以叫乜，waitress話可以叫橙汁，果汁先生，好，就補充下vitamin C，真係久違左0既果汁先生呢~唔駛食生果喇﹗
最後係甜品——朱古力奶凍，雖然的的式式，但其實都飽左0既我地都覺得夠lu，味道唔錯，我覺得下次會試呢度0既甜品，因為外觀都幾吸引呢~
希望呢度遲d連朱古力都係餐飲之一啦，話哂都係西餐廳嘛~
Post
