Miss Saigon Vietnamese Cuisine (Closed)

第一次搭地鐵過黎堅尼地城，為嘅係去朋友屋企打麻雀，雀友未放工，諗住食碗粉打個底，一出地科士街個出口，就見到 Forbes 36 大大個招牌，不過酒吧唔啱今次，留返下次，右邊係日本野，又唔啱，返過去左邊，有燒肉、西班牙牙同越南野，所以揀左越南野。餐廳裝修簡約，時間尚早（5:30pm)只有我一台客，店員推介手切牛肉湯河粉，說用鮮牛骨熬製，不加味精，咦，咁堅？即要這個！牛河上檯時生肉半生熟，望落吸引，另配一籃香草，如九層塔，份量不少，夠慷慨！飲啖湯先，味道唔會話超級濃郁，但有肉味，又有陣陣牛骨香氣，好好飲！牛肉唔似肥牛咁多脂肪，唔會因熱湯而溶左一半！牛肉味突出，有少少咬口，係我鍾意的類型。河粉正常而無一舊舊。我好鍾意飲湯故今餐ko 晒成碗湯，打麻雀時無話勁口渴，得喎，有下次！