芝加哥串燒酒場

📍喺蘭桂坊又想食嘢又想飲酒必去，酒款選擇多，有串燒仲有飯餐可以食，唔貴仲要每日都有做啤酒一送一！落單叫咗兩杯酒飲先，cocktail款式都幾多一mojito除咗有基本味，餐廳仲特調咗菠蘿味同蜜桃味可以揀。串燒除咗普遍豬、牛、雞，竟然羊肉同海鮮都有，燒原隻澳洲龍蝦仲要只係$68，加埋芝士燒超香～勁特別嘅有龜苓膏燒，真係拎咗龜苓膏切條去燒！係同平時食開嘅龜苓膏一樣味，會配埋啲煉奶點中和陣苦味，食落出奇地幾正！另外最驚喜係脆炸雞軟骨，拎嚟送酒一流，味道同口感都有啲似M記脆香雞翼咁。